ڈی جی ایل ڈی اے طاہر فاروق نے مختلف ترقیاتی منصوبوں کا دورہ کیا۔ ڈی جی ایل ڈی اے طاہر فاروق نے نیلا گنبد، داتا دربار، بھاٹی چوک اور ریلوے اسٹیشن کا دورہ کیا۔چیف انجینئر ٹیپا اقرار حسین اور چیف انجینئر ایل ڈی اے اسرار احمد نے بریفنگ دی۔نیلا گنبد منصوبے کی بیسمنٹ تھری کے تمام پہلوؤں پر ترقیاتی کام جاری ہیں۔بیسمنٹ تھری کے 25 فیصد ایریا پر سلیب جلد ڈال لی جائے گی۔ ڈی جی ایل ڈی اے نے ترقیاتی کاموں کی رفتار پر زیرو ٹالرنس اپنانے کی ہدایت کی۔ڈی جی ایل ڈی اے نے داتا دربار اور بھاٹی چوک کے اطراف ترقیاتی کاموں کا جائزہ لیا۔ڈی جی ایل ڈی اے نے کنٹریکٹر کو ٹائم لائن کے مطابق اہداف کا حصول یقینی بنانے،پیڈسٹرین انڈرپاس کی سلیب آئندہ دو سے تین روز میں ڈالنے کی ہدایت کی۔ڈی جی ایل ڈی اے نے پارکنگ ایریا، ٹوائلٹ بلاک کی تعمیر اور واک ویز میں ترقیاتی کام مزید کرنے کی ہدایت کی۔ڈی جی ایل ڈی اے نے ریلوے اسٹیشن کے اطراف جاری ترقیاتی کاموں کا بھی جائزہ لیا۔چیف انجینئر ایل ڈی اے نے بریفنگ دی۔ ریلوے اسٹیشن کے سامنے اور اطراف میں پارکنگ ایریا کی ڈویلپمنٹ پر کام تیزی سے جاری ہے۔ریلوے اسٹیشن سے حاجی کیمپ کی جانب فٹ پاتھ پر کام جاری ہے۔ریلوے کی وال، ایک موریہ پل پر بیوٹیفکیشن کے کام بھی بیک وقت جاری ہیں۔ سرکلر روڈ کے اطراف املاک کے فساڈ کی اپ گریڈیشن پر بھی کام کیا جا رہا ہے۔ اس موقع پر ایل ڈی اے، ٹیپا اور نیسپاک کے افسران موجود تھے۔
ڈی جی ایل ڈی اے طاہر فاروق کا نیلا گنبد، داتا دربار، بھاٹی چوک اور ریلوے اسٹیشن کا دورہ
