کمشنر لاہور زید بن مقصود کی زیر صدارت زیر تعمیر والٹن روڈ ترقیاتی سکیم کے حوالے سے اجلاس منعقد ہوا۔ ایگزیکٹو ڈائریکٹر ٹیکنیکل سی بی ڈی ریاض حسین نے بریفنگ دی۔بریفنگ میں آگاہ کیا گیا کہ 4کلومیٹر طویل 6لینز پر مشتمل والٹن روڈ ستمبر کے اخر تک مکمل ہوجائے گی والٹن روڈ 35فیصد مکمل ہوچکی ہے۔ والٹن روڈ پر 4.3کلومیٹر ڈیپ ٹرنک ڈرین 100فیصد مکمل ہوچکی ہے۔اجلاس میں کمشنر لاہور نے والٹن روڈ ٹرنک ڈرین سسٹم۔فلائی اوور۔ڈسپوزل اسٹیشنز۔رائیڈرزسیورز کی تعمیری پیشرفت کا بھی جائزہ لیااور کہا کہ والٹن روڈ پر رائیڈر سیور کے باعث نالہ بھرنیسے گلیوں کا پانی واپس محلوں میں نہیں جائیگا۔جس سے اردگرد کی آبادیوں کو بڑا ریلیف ملے گا۔۔والٹن روڈ پر یوٹیلیٹیز کیلیے انڈر گراونڈ ٹرنک تعمیر کیجارہی ہیاور گرین بیلٹس بھی بنیں گی۔کمشنر لاہور کو بریفنگ جائزہ کے دوران آگاہ کیا گیا کہ والٹن روڈ پر دو ڈسپوزل اسٹیشنز تعمیر ہورہے ہیں۔ایک 79فیصد اور دوسرا 95فیصد مکمل ہوچکا ہے اس کے ساتھ والٹن روڈ پر اولڈ نالے کو مسمار کردیا جائیگا۔ڈیپ ٹرنک ڈرین سے گندہ پانی گزریگا۔کمشنر لاہور نے سی بی ڈی کو ہدایت کی کہ والٹن روڈ کو ڈیڈ لائنز اور ٹائم لائنز کیمطابق مکمل کیا جائیکیوں کہ والٹن روڈ ٹریفک و آمدورفت کیلئے اہم آرٹری ہے۔ٹائم لائنز کیمطابق کام کی رفتار کو تیز کیا جائے۔تمام انتظامی مشینری پراجیکٹ تکمیل کیلئے سی بی ڈی سے مکمل تعاون میں ہے۔والٹن روڈ کی تکمیل سے شہریوں کو آمدورفت کیلئے بہترین سہولت اور پورے ایریا کی خوبصورتی میں اضافہ ہوگا۔
