کمشنر لاہور مریم خان کی زیرصدارت روڈا کے ترقیاتی پراجیکٹس کے حوالے سے اجلاس منعقد ہوا۔ اجلاس میں آمدہ مون سون و موسم برسات کے پیش نظر روڈا کے پراجیکٹس پر پیشرفت کا جائزہ لیا گیا۔ ڈی سی لاہور کیپٹن ر علی اعجاز، سی ای او روڈا عمران امین کی شرکت کی۔ سی ای او روڈا عمران امین نے دریائے راوی کے ساتھ ترقیاتی پراجیکٹس پر بریفنگ دی۔کمشنرلاہورڈویژن مریم خان نے کہا ہے کہ روڈا، ضلعی انتظامیہ لاہور و شیخوپورہ اشتراک کار کے ذریعے ضروری کاروائیوں کو مکمل کریں۔ انہوں نے کہا کہ سیلاب کو مدنظر رکھ کر پیشگی کاموں کے جائزہ کیلیے اسی ہفتے سے پورے ایریاز کے وزٹ ہونگے۔ کمشنر لاہور نے کہا کہ تھیم پارک کے حوالے سے بھی ابھی تیاری نہایت ضروری ہے، اریگیشن، فاریسٹ، واسا، ضلعی انتظامیہ لاہور اور روڈا کی مشترکہ ٹیم اسی ہفتے تھیم پارک دریائے راوی کا دورہ کرے۔اجلاس میں ایڈیشنل کمشنر حامد ملہی، اے ڈی سی آر شیخوپورہ عثمان جلیس، اے سی آر لاہور علیم احمد سمیت روڈا ڈائریکٹرز نے شرکت کی۔
