ڈیجیٹل ون ونڈو پلیٹ فارم ای بیز کے نفاذ سے بلدیہ عظمٰی لاہور کا نقشہ فیس کی مد میں سب سے زیادہ آمدن والا علامہ اقبال زون عملی طور پر ایل ڈی اے کو چلا گیا ہے۔ای بیز سسٹم کی ذمہ داری جس ادارے کو سونپی گئی اس نے اقبال زون کی باؤنڈری ہی غلط مارک کر دی۔چھ ماہ بعد بھی غلطی دور نہ ہو سکی جس کی وجہ سے جو بھی نقشہ اقبال زون کے بلڈنگ کنٹرولڈ ایریا کا جمع ہوتا ہے وہ ایم سی ایل کو جانے کی بجائے ایل ڈی اے کو چلا جاتا ہے۔شہری دو بڑے اداروں کے درمیان کوآرڈینیشن کے فقدان،واضح ڈائریکشن نہ ہونے سے رل گئے ہیں۔ایل ڈی اے بھی ان نقشوں کو منظور نہیں کر رہا جبکہ مارچ سے اب تک ایم سی ایل سے اقبال زون کا کوئی نقشہ پاس نہیں ہو سکا جس سے نقشہ فیس کی مد میں کروڑوں روپے کا نقصان ایم سی ایل کو ہوا ہے۔اقبال زون میں تعمیراتی سرگرمیاں رک گئی ہیں۔لوگ گھروں کا نقشہ پاس کروانے کیلئے کئی ماہ سے حجل خوار ہو رہے ہیں۔بتایا گیا ہے اور یہ صورتحال ایم سی ایل، ضلعی و ڈویژنل انتظامیہ اور محکمہ لوکل گورنمنٹ کے نوٹس میں بھی ہے لیکن کسی اعلٰی افسر نے اس سنگین غلطی کو دور کرنے کیلئے سنجیدہ اقدامات نہیں کئے بلکہ دلچسپی ہی نہیں لی۔
ای بیز کے نفاذ اور غلط باؤنڈری سے اقبال زون کے نقشے ایل ڈی اے کو منتقل،چھ ماہ میں ایم سی ایل کو کروڑوں کا نقصان، عوام حجل خوار
