چیئرمین پنجاب ریونیو اتھارٹی معظم اقبال سپرا کی ہدایت پر متعدد افسران کے تقرر و تبادلوں کا نوٹیفکیشن جاری کردیا گیا۔ نوٹیفکیشن کے مطابق قاضی اعجاز احمد کو بطور ایڈیشنل کمشنر، انفورسمنٹ رینج سرگودھا تعینات کردیا گیا جبکہ کمشنر کے عہدے کا اضافی چارج بھی سونپ دیا۔ آفتاب احمد ایڈیشنل کمشنر انفورسمنٹ رینج سرگودھا تعینات ،کمشنر سرگودھا کے اضافی چارج سے سبکدوش کر دیا۔محمد شاہد کو بطور ڈپٹی کمشنر یونٹ 06، انفورسمنٹ رینج ٹو ملتان تعینات کردیا۔ علاؤہ ازیں محمد شہزاد انجم سے اضافی چارج واپس لے لیا گیا۔ محمد شاہد، ایڈیشنل کمشنر انفورسمنٹ رینج ون تعینات اور رینج ٹو ملتان کا اضافی چارج بھی سونپ دیا گیا۔ فیصل سلطان کو بطور ڈپٹی کمشنر یونٹ تھری انفورسمنٹ رینج ون گوجرانوالہ تعینات کردیا گیا۔
