وزیراعلیٰ پنجاب مریم نواز شریف کی خصوصی ہدایت پر بسنت فیسٹیول کے دوران شہر لاہور میں صفائی ستھرائی کے بہترین انتظامات کو یقینی بنایا جا رہا ہے۔ بسنت فیسٹیول کے دوسرے روز بھی ایل ڈبلیو ایم سی کی جانب سے شہر بھر میں واشنگ ایکٹیویٹیز اور واٹر سپرنکلنگ کا عمل یقینی بنایا گیا۔شیرانوالہ گیٹ، دہلی گیٹ اور لوہاری گیٹ پر ایل ڈبلیو ایم سی کی خصوصی واشنگ ٹیمیں متحرک رہیں جبکہ رائیونڈ روڈ، کینال روڈ بس اسٹاپس اور مال روڈ بس اسٹاپس پر صفائی دھلائی کے بہترین انتظامات کے لیے عملہ موجود رہا۔راوی روڈ، شاہدرہ چوک، امیر چوک اور فیصل ٹاؤن میں خصوصی صفائی آپریشن کیا گیا جبکہ ملتان روڈ، اڈا پلاٹ، مون مارکیٹ اور ٹولنٹن مارکیٹ میں واشنگ کا عمل مکمل کیا گیا۔گجومتہ، سرکلر روڈ اور ریلوے اسٹیشن کے اطراف صفائی ستھرائی اور پانی کے چھڑکاؤ کا سلسلہ جاری ہے۔مزید برآں ایل ڈبلیو ایم سی آپریشن ٹیمیں بسنت فیسٹیول کے دوران شہر کو صاف اور خوشگوار ماحول فراہم کرنے کے لیے تینوں دن متحرک رہیں گی۔ شہریوں کو بسنت فیسٹیول کے موقع پر صاف ستھرا ماحول فراہم کرنا ایل ڈبلیو ایم سی کی اولین ترجیح ہے۔
