لاہور بسنت کے دوسرے روز کمشنر لاہور مریم خان نے ڈی سی لاہور کے ہمراہ دہلی گیٹ اندرون لاہور کا دورہ کیا اور بسنت ہیلتھ و ریسکیو کیمپس میں انتظامات کا جائزہ لیا۔ کمشنر لاہور نے مختلف علاقوں میں صفائی صورتحال کا بھی جائزہ لیا۔کمشنرلاہورڈویژن مریم خان نے کہا کہ اندرون لاہور و سرکلر روڈ پورے ایریا میں صفائی مہم جاری ہے، لاہور بسنت کیمپس پر صحت، ریسکیو ایل ڈبلیو ایم سی و دیگر کے کیمپس و کاونٹرز فعال ہیں۔ انہوں نے کہا کہ آج شام کو پتنگ بازی زیادہ ہونے کی توقع ہے، انتظامی محکمے الرٹ پر رہیں، 8فروری تک بسنت خریدوفروخت کی اجازت ہے قانون کے مطابق چیکنگ جاری ہے، کیمپس مکمل طور پر فعال رہیں گے، راونڈ دی کلاک ڈیوٹی روسٹر بنے ہیں، تمام محکموں پر مشتمل کوئک ریسپانس ٹیمز پورے شہر میں فعال ہیں۔ کمشنر لاہور نے کہا کہ وزیراعلی پنجاب کی ہدایات واضح ہیں، سیفٹی اقدامات کو سو فیصد یقینی بنایا جارہا ہے، چرخی، دھاتی و نائیلون ڈور پر پابندی ہے خلاف ورزی پر انتہائی سخت کاروائیاں جاری ہیں۔ انہوں نے کہا کہ شہری بسنت قوانین اور بسنت ضابطہ اخلاق کی پابندی کریں، قانون و بسنت آرڈنینس کی خلاف ورزی پر زیرو ٹالرنس ہے. کمشنر لاہور نے مزید کہا کہ شہریوں کا محفوظ بسنت کیلئے ذمہ دارانہ کردار اہم ترین ہے، بسنت قوانین پر عملدرآمد ثقافتی تہوار کا احیاء ثابت ہوگا۔
*چرخی، دھاتی و نائیلون ڈور پر پابندی ہے۔خلاف ورزی پر انتہائی سخت کاروائیاں جاری ہیں۔کمشنر لاہور*
