وزیر ہاؤسنگ اینڈ اربن ڈویلپمنٹ بلال یاسین کی زیر صدارت ترقیاتی منصوبوں بارے اجلاس ہوا۔ ڈی جی ایل ڈی اے طاہر فاروق نے جاری منصوبوں اور قوانین کی خلاف ورزیاں کرنیوالوں کیخلاف اقدامات بارے آگاہ کیا۔اجلاس میں موجودہ قوانین میں تبدیلیوں اور مجوزہ اصلاحات بارے پیش رفت کا جائزہ لیا گیا۔ ڈی جی ایل ڈی اے نے بتایا کہ لہر کے تحت نیلا گنبد رواں سال دسمبر جبکہ ناصر باغ رواں سال اکتوبر تک مکمل کر لیا جائے گا۔ داتا دربار سائٹ پر 30 جون تک جبکہ ایل ڈی اے 4 سٹرکچر روڈز مئی تک مکمل کرلے گا، اجلاس میں سیکرٹری ہاؤسنگ نورالامین مینگل نے اصطلاحاتی عمل دیگر ڈویلپمنٹ اتھارٹیز کو بھی اپنانے کی ہدایت کردی۔اس موقع پر وزیر ہاؤسنگ بلال یاسین نے کہا کہ صوبائی دارالحکومت میں جاری ترقیاتی کاموں کے دوران ایس او پیز کا ہر ممکن خیال رکھا جائے۔ غیر قانونی تعمیرات اور قبضہ مافیا کی شہر میں کوئی جگہ نہیں۔ صوبائی وزیر نے واضح کیا کہ واٹر ٹریٹمنٹ پلانٹس بارے حکومت کے جاری کردہ ایس او پیز پر نجی ہاؤسنگ سوسائٹیز کو عملدرآمد یقینی بنانا ہوگا۔
*وزیر ہاؤسنگ اینڈ اربن ڈویلپمنٹ بلال یاسین کی زیر صدارت لاہور کےترقیاتی منصوبوں بارے اجلاس*
