ڈی جی ایل ڈی اے طاہر فاروق کی ہدایت پر ایل ڈی اے پلاٹوں کی سال 2026 کی پہلی نیلامی 10فروری کوصبح 10 بجے ایکسپو سنٹر جوہر ٹاؤن میں ہو گی۔نیلام عام میں جوہرٹاؤن، جوبلی ٹاؤن اور تاجپورہ سکیم کے رہائشی و کمرشل پلاٹ نیلام کیے جائیں گے۔ایل ڈی اے ایوینو ون اور علامہ اقبال ٹاؤن کی پرائم لوکشن پر واقع کمرشل پلاٹ نیلامی میں شامل ہیں۔سبزہ زار، مصطفیٰ ٹاؤن اور ایل ڈی اے سٹی کے کمرشل پلاٹ بھی نیلامی میں شامل ہیں۔ایل ڈی اے اور نجی سکیموں میں واقع ایجوکیشن سائٹس، ہیلتھ سائٹس، پٹرول پمپ،مارکی سائٹس، پبلک یوٹیلیٹی سائٹس کے حقوق کرایہ داری بھی نیلامی کے لیے پیش کیے جائیں گے۔فنانس اینڈ ٹریڈ سنٹر،جوہر ٹاؤن میں واقع کمرشل بلڈنگ سائٹس کے حقوق کرایہ داری نیلام کیے جائیں گے۔جوہر ٹاؤن، قائد اعظم ٹاؤن اور گجرپورہ میں واقع مارکی سائٹس کے حقوق کرایہ داری نیلام کیے جائیں گے۔قائد اعظم ٹاؤن اور ایل ڈی اے ایونیو ون میں پٹرول پمپ سائٹس کے حقوق کرایہ داری نیلامی میں رکھے گئے ہیں۔ایل ڈی اے سپورٹس کمپلیکس سبزہ زار اور تاجپورہ میں ریستوران سائٹ اور سیلون شاپ کے حقوق کرایہ داری بھی نیلام کیے جائیں گے۔
