ایل ڈی اے نے غیرقانونی ہاؤسنگ سکیموں کے خلاف گرینڈ آپریشن کیا۔ ڈی جی ایل ڈی اے طاہر فاروق کی ہدایت پر ایل ڈی اے ٹیموں کی بلا امتیاز کارروائیاں جاری رکھتے ہوئے ڈائریکٹر میٹرو پولیٹن زون فور نے 10غیر قانونی ہاوسنگ سکیموں کے خلاف آپریشن کیا۔ٹیموں نے غیرقانونی سکیموں کے دفاترسربمہراور باؤنڈری وال، گیٹ، سڑکیں و دیگر سٹرکچر مسمار کر دیا۔غیرقانونی ہاؤسنگ سکیموں میں چوہدری ہومز فیز تھری، فارمرز فیز فائیو فارمز، ہڈیارہ گارڈن/برکی آڑچرڑ، حسن گارڈن ٹاؤن شامل ہیں۔ ہڈیارہ ویلیج،آئی وی وے فارمز/کمبوہ فارمز، ماشاءاللہ فارمز، پیراڈائز ولاز/ گالف ریذیڈینشیا، برکی میڈوز، بیلکسیا ریٹریٹ کے خلاف آپریشن کیاگیاآپریشن چیف میٹرو پولیٹن پلانر کی زیر نگرانی کیا گیا۔آپریشن سے قبل ان غیر قانونی سکیموں کو متعدد نوٹس جاری کیے گئے تھے۔ڈی جی ایل ڈی اے طاہر فاروق نے کہا ہے کہ غیرقانونی رہائشی سکیموں، غیرقانونی تعمیرات و کمرشل سرگرمیوں کے خلاف بلاامتیاز کارروائیاں جاری ہیں۔
