ستھرا پنجاب ایجنسی لاہور کی جانب سے ڈی جی ستھرا پنجاب اتھارٹی بابر صاحب دین کی ہدایت پر شہربھر میں عید قرباں گرینڈ صفائی آپریشن پر عملدرآمد بلا تعطل جاری ہے۔موثر صفائی اقدامات کے تحت آبائی شہروں کو واپس جانے والے پردیسیوں کے لیے ریلوے اسٹیشنز،بس اسٹینڈ، لاری اڈوں اور عوامی رش کے مقامات پرخصوصی صفائی اقدامات کے لیے اضافی عملہ تعینات کیا گیا۔جبکہ لاہور کی197 کمرشل مارکیٹس میں عملہ تینوں شفٹوں میں ویسٹ کلئیرنس پر مامور رہا۔ گھر گھر سے کوڑا اکٹھا کرنے کیلئے ستھرا پنجاب ایجنسی لاہور کے لوڈر رکشے شہر کی تمام یونین کونسلز میں موجود رہے۔ڈی جی ستھرا پنجاب اتھارٹی بابر صاحب دین کا کہنا ہے کہ عید سے قبل شہر لاہور کو زیرو ویسٹ کرنے کیلئے ستھرا پنجاب ایجنسی لاہور کے افسران،15 ہزار ورکرز اور 1400سے زائد گاڑیاں تینوں شفٹوں میں ویسٹ کلیئرنس آپریشن پر مامور رہیں۔وزیر اعلیٰ پنجاب مریم نواز شریف کے ویژن ستھرا پنجاب کے تحت عید الاضحی پرشہریوں کو صاف ستھرا ماحول فراہم کرنااورمثالی صفائی انتظامات کرنا ہی ادارے کی اولین ترجیح ہے۔اس مقصد کے حصول کے لیے شہریوں کی 100فیصد شکایات کا فوری ازالہ کیا جا رہا ہے۔شہریوں سے بھی گزارش ہے کہ صفائی سے متعلق شکایات و تجاویز کیلئے ستھرا پنجاب ہیلپ لائن 1139 پر رابطہ کریں یا سوشل میڈیا کا استعمال کریں۔
