عید قرباں گرینڈ صفائی چیلنج سے نمٹنے کے لیے ستھرا پنجاب ایجنسی لاہور کی جانب سے تمام تر تیاریاں مکمل کر لی گئی ہیں۔عید قرباں صفائی انتظامات کا جائزہ لینے کے لیے ستھرا پنجاب ایجنسی لاہور کے افسران فیلڈ میں متحرک ہیں۔چئیرمین ستھرا پنجاب ایجنسی لاہور ملک بلال ذوالفقار کھوکھر نےاے سی کینٹ سنبل جاوید ،ڈی جی ایم آپریشنز انیس جنجوعہ کے ہمراہ پیراگون مویشی منڈی کا دورہ کیا۔آپریشن ٹیموں نے پیراگون مویشی منڈی اور اس کے اطراف صفائی انتظامات بارے مکمل بریفنگ دی۔پنجاب بھر میں قائم مویشی منڈیوں میں روزانہ کی بنیاد پر ویسٹ ٹھکانے لگایا جا رہا ہے۔مویشی منڈیوں میں واشر گاڑیوں اور واشر رکشوں کی مدد سے عملہ پانی کا چھڑکاؤ یقینی بنا رہا ہے۔مزید برآںچئیرمین ستھرا پنجاب ایجنسی لاہور ملک بلال ذوالفقار کھوکھر نے پیراگون مویشی منڈی میں ستھرا پنجاب کے کیمپ پر موجود عملےسے ملاقات کی اور ویسٹ بیگز کی کوالٹی بھی چیک کی۔ستھرا پنجاب ایجنسی لاہور کی جانب سے عید قربان کے موقع پر لاہور میں 15 لاکھ ماحول دوست ویسٹ بیگز مفت تقسیم کیے جا رہے ہیں۔چئیرمین ستھرا پنجاب ایجنسی لاہور ملک بلال ذوالفقار کھوکھر نےرنگ روڈ، برکی روڈ اور اس سے ملحقہ علاقوں میں صفائی انتظامات کا جائزہ بھی لیا۔سخت گرمی میں صفائی آپریشن پر مامور ورکرز کو شاباش بھی دی۔
چئیرمین ستھرا پنجاب ایجنسی لاہور ملک بلال ذوالفقار کھوکھر کااے سی کینٹ سنبل جاوید ،ڈی جی ایم آپریشنز انیس جنجوعہ کے ہمراہ پیراگون مویشی منڈی کا دورہ
