شائقین کرکٹ کو لاہور میں ہونے والے میچز کے دوران شاندار صفائی سہولیات فراہم کی گئیں۔ڈی جی ستھرا پنجاب اتھارٹی بابر صاحب دین کی ہدایت پرقذافی اسٹیڈیم اور اس کے اطراف میں 250 سے زائد ورکرز، 8 واشر گاڑیاں صفائی دھلائی پر تعینات رہے۔جبکہ ون ڈے میچز کے دوران ہر انکلیوژر میں 15 ورکرز، 01 سپر وائزر ڈیوٹی پر تعینات کیے گئے۔50 سے زائد صفائی ورکرز قذافی اسٹیڈیم کے اطراف اور پارکنگ ایریاز میں صفائی ستھرائی یقینی بنانے پر مامور رہے۔200 سے زائد ورکرز، 15سپروائزرز، میچز کے دوران قذافی سٹیڈیم میں ڈیوٹی سر انجام دے رہے ہیں۔2 واٹر بائوذرز کی مدد سےقذافی اسٹیڈیم کے اطراف پانی کا چھڑکاؤ بھی جاری رکھا گیا۔مکینیکل سویپرز کی مدد سے قذافی اسٹیڈیم آنے اور جانے والے راستوں کو بھی کلیئر کیا گیا۔ مزید برآں صفائی کے موثر اقدامات کے تحت قذافی اسٹیڈیم کو دوران سیریز زیرو ویسٹ زون ڈکلیئر کیا گیا۔ستھرا پنجاب ایجنسی لاہور کی صفائی ٹیمیں میچز کے دوران تماشائیوں کو صفائی کی بہترین سہولیات فراہم کرنے کیلئے پر عزم اور متحرک رہیں ۔
پاکستان بمقابلہ آسٹریلیا ون ڈے سیریز فائنل میچ سے قبل ستھرا پنجاب ایجنسی لاہور کے شاندار صفائی انتظامات
