*وزیر ہاؤسنگ اینڈ اربن ڈویلپمنٹ بلال یاسین کی حلقہ انتخاب میں کھلی کچہری ،عوام مسائل کی شنوائی*

وزیر ہاؤسنگ اینڈ اربن ڈویلپمنٹ بلال یاسین کی حلقہ انتخاب میں کھلی کچہری لگائیں اور عوام مسائل سنے۔ لیگی کارکنان نے حلقے میں تعمیراتی کاموں پر صوبائی وزیر کا شکریہ ادا کیا۔ اس موقع پر وزیر ہاؤسنگ بلال یاسین کا کہنا تھا کہ ترقیاتی کاموں کے معیار اور رفتار پر کوئی سمجھوتہ نہیں ہوگا، وزیر اعلیٰ پنجاب روزمرہ عوامی مسائل کو انکی دہلیز پر حل کروانا چاہتی ہیں۔ انشاء اللہ آئندہ بجٹ میں مزید عوامی ریلیف اور ترقیاتی منصوبوں کی نوید ملے گی۔ انہوں نے واضح کیا کہ پنجاب کے تمام اضلاع ترقی کے یکساں مواقع اور حکومتی منصوبوں سے مستفید ہورہے ہیں۔ عوام کو کھوکھلے نعروں سے نہیں،کارکردگی اور حقائق سے ووٹ کی طاقت استعمال کرنا ہوگی۔ ملکی معاشی کشتی کو پاکستان مسلم لیگ ن کی مدبرانہ قیادت نے بھنور سے نکالا۔ انشاء اللہ پنجاب عوامی منصوبوں اور جدید طرز حکومت کے باعث مثالی منصوبہ ہوگا۔