پاکستان آرمی کے تعاون سے ریلیف آپریشنز کی استعداد کار میں نمایاں اضافہ ہوا ہے، ضلعی انتظامیہ کی کارکردگی بھی قابلِ ستائش ہے ڈپٹی کمشنر لاہور سید موسٰی رضا

وزیراعلیٰ پنجاب مریم نواز شریف کے عوامی ریلیف ویژن پر عمل کرتے ہوئے، ضلعی انتظامیہ لاہور نے ڈپٹی کمشنر لاہور سید موسیٰ رضا کی قیادت میں تھیم پارک میں پانی کی نکاسی کے لیے بڑے پیمانے پر ڈی واٹرنگ آپریشن جاری ہے۔ ڈی سی لاہور نے خود موقع پر جا کر انتظامات کا جائزہ لیا، جہاں پاکستان آرمی کے افسران، ایم ڈی واسا اور دیگر محکموں کے نمائندگان بھی موجود تھے۔ آپریشن میں 17 ڈی واٹرنگ سیٹس، 5 ایکسیویٹرز اور 5 ڈمپرز شامل کیے گئے ہیں، جبکہ واسا اور ضلعی انتظامیہ کی ٹیمیں شفٹوں میں مسلسل کام کر رہی ہیں۔ ڈپٹی کمشنر لاہور نے تمام دستیاب وسائل کو مؤثر طریقے سے استعمال کرنے کی ہدایت دیتے ہوئے کہا کہ شہریوں کو جلد از جلد معمولاتِ زندگی پر واپس لانا اولین ترجیح ہے۔ متعلقہ محکموں کو باہمی رابطے کو مزید مؤثر بنانے کی ہدایت دی گئی ہے تاکہ نکاسی کا عمل جلد مکمل ہو۔ پاکستان آرمی کے تعاون سے ریلیف آپریشنز کی استعداد کار میں نمایاں اضافہ ہوا ہے، اور ضلعی انتظامیہ کی کارکردگی کو قابلِ ستائش قرار دیا گیا ہے۔ یہ اقدامات لاہور کے شہریوں کو فوری ریلیف فراہم کرنے اور شہر کی بحالی کی جانب ایک اہم قدم ہیں۔