مشیر گورنر بلدیات خیبرپختونخوا آصف رفیق نے کہا ہے کہ ٹی ایم اے ملازمین کی تنخواہوں اور پنشن کی بروقت ادائیگی ان کی اولین ترجیح ہے۔ لوکل کونسل بورڈ کو سخت ہدایات جاری کر دی گئی ہیں کہ تنخواہوں اور پنشن کے لیے مختص فنڈز صرف اسی مقصد کے لیے استعمال کیے جائیں۔ ان فنڈز کو ترقیاتی کاموں پر خرچ کرنا ہرگز قابل قبول نہیں ہوگا اور خلاف ورزی پر سخت کارروائی ہوگی۔انہوں نے کہا کہ ملازمین معاشی پریشانی سے آزاد ہوں گے تو عوام کو بھی بہتر بلدیاتی خدمات ملیں گی، اور شہروں کی صفائی، پینے کے صاف پانی، نکاسی آب اور دیگر روزمرہ سہولیات میں نمایاں بہتری آئے گی۔
ٹی ایم ایز ملازمین کی تنخواہوں اور پنشن کی بروقت ادائیگی ان کی اولین ترجیح ہے،مشیر بلدیات خیبرپختونخوا آصف رفیق
