*لاہور ڈویژن میں گندم اگائی۔کمشنر لاہور نعمان یوسف کی زیر صدارت پیداواری اہداف پر ڈویژنل اجلاس*

کمشنر لاہور ڈویژن نعمان یوسف کی زیر صدارت لاہور ڈویژن میں گندم اگائی و پیداواری اہداف پر ڈویژنل اجلاس منعقد ہوا۔ اجلاس میں لاہور ڈویژن میں شامل چاروں اضلاع کے ڈپٹی کمشنرز سمیت محکمہ زراعت، آبپاشی، فرٹیلائزرز کمپنیز و دیگر نے شرکت کی۔ اجلاس میں ضلعی انتظامیہ و محکمہ زراعت کے افسران نے بریفنگ دی۔ بریفنگ میں بتایا گیا کہ لاہور ڈویژن میں گندم اگائی یکم نومبر تا 20نومبر 2026 شروع ہوگی، امسال لاہور ڈویژن میں 13لاکھ ایکڑ پر گندم کاشت کی جائے گی۔کمشنرلاہورڈویژن نعمان یوسف نے اپنا کھیت اپنا روزگار و سٹیٹ لینڈ پر گندم اگائی کیلئے چاروں اضلاع کے ڈپٹی کمشنرز و متعلقہ محکموں کو ہدایات جاری کیں۔ کمشنر لاہور نے کہا ہے کہ محکمہ زراعت اور محکمہ آبپاشی نہری پانی دستیابی کیلیے رابطہ کار رکھیں۔ انہوں نے کہا کہ بریفنگ کے مطابق وافر گندم بیج، کھادوں کی دستیابی اور فراہمی معمول کے مطابق جاری ہے۔ کمشنر لاہور نے کہا کہ حکومت پنجاب کی گندم پرائس پالیسی سے کسانوں کی حوصلہ افزائی ہوگی، گندم اگائی اہداف تکمیل اور کسانوں کی بہترین راہنمائی سے گندم پیداوار اہداف حاصل ہونگے۔ کمشنر لاہور نے کہا کہ فصلوں کی باقیات جلانے پر سخت ایکشن لیں، سکواڈز راونڈ دی کلاک فیلڈ مانیٹرنگ کریں۔