ستھرا پنجاب ایجنسی لاہور کی جانب سے شہر بھر میں صفائی ستھرائی کے عمل کو یقینی بنانے کے لیے صفائی آپریشن ٹیمیں فیلڈ میں متحرک ہیں۔شاہدرہ اور راوی ٹاؤن میں بھی شہریوں کو بہترین صفائی سہولیات کی بر وقت فراہمی یقینی بنانے کے لیےخصوصی صفائی مہم جاری ہے۔موثر صفائی اقدامات کے تحت750 سے زائد سینٹری ورکرز صفائی ایکٹیویٹیز پر مامور ہیں جبکہ گھر گھر سے ویسٹ کولیکشن پر150 لوڈر رکشے مامور ہیں۔اہم شاہراہوں، چوکوں اور چوراہوں کو ڈسٹ فری بنانے کے لیے روڈ سکریپنگ کا عمل بھی جاری ہے۔شاہدرہ میں پولیس اسٹیشن،ٹیچنگ ہسپتال اور بازار سمیت دیگر عوامی مقامات پر صفائی ٹیمیں صفائی ستھرائی پر مامور ہیں۔ افسران کو خود فیلڈ میں موجود رہ کر ورکرز کی 100 فیصد حاضری یقینی بنانے کی ہدایت بھی جاری کر دی گئی ہے۔ شہریوں کو صاف ماحول فراہم کرنے کے لیے ایس پی اے ایل تمام تر وسائل بروئے کار لا رہی ہے۔شہریوں سے گزارش ہے کہ وہ بھی ستھرا پنجاب کی صفائی ٹیموں کے ساتھ تعاون کریں اور کوڑا کرکٹ گھر گھر آنے والے صفائی ورکرز کے حوالے کریں۔
