لاہور سمیت پنجاب کے مختلف اضلاع میں وقفے وقفے سے بارشں، انتظامیہ متحرک۔۔وزیر ہاؤسنگ پنجاب بلال یاسین نے شہر کے مختلف علاقوں کا دورہ کیا اور لکشمی چوک پر نکاسی آب کے انتظامات کا جائزہ لیا۔ کمشنر لاہور،ڈپٹی کمشنر لاہور اور واسا افسران نے بارشی پانی کی صورتحال اور اقدامات بارے آگاہ کیا۔ وائس چیئرمین واسا لاہور چودھری شہباز احمد بھی ہمراہ تھے۔صوبائی وزیر نے متعلقہ افسران سے مختلف مقامات پر جمع ہونے والے بارشی پانی کی صورتحال اور نکاسی کے عمل پر بریفنگ لی۔ صوبائی وزیر نے مون سون سیزن کے دوران شہریوں کو درپیش مشکلات کے فوری ازالے کیلئے تمام اداروں کو متحرک رہنے کی ہدایت کی۔ نشیبی علاقوں میں پانی کی نکاسی کو اولین ترجیح دی جائے اور تمام وسائل بروئے کار لائے جائیں۔ وزیراعلیٰ پنجاب مریم نواز شریف کی ہدایات کے مطابق شہریوں کو بروقت ریلیف کی فراہمی یقینی بنائی جا رہی ہے۔ نکاسی آب کیلئے استعمال ہونے والی مشینری، ڈی واٹرنگ سیٹس اور آپریشنل ٹیموں کی کارکردگی مانیٹر کی جارہی ہے۔ڈی جی واسا پنجاب طیب فرید ، تمام اضلاع کے ایم ڈیز کو فیلڈ میں موجود رہنے اور صورتحال کی مسلسل نگرانی کرنے کی ہدایت کی۔ ان کا کہنا تھا کہ ڈسپوزل اسٹیشنز، جنریٹرز اور ڈی واٹرنگ مشینوں کی مکمل فعالیت کو یقینی بنایا جائے گا۔ بارش کے دوران اور بعد میں پانی کے فوری انخلا کیلئے آپریشنل پلان پر سختی سے عمل درآمد یقینی بنایا جائے۔ بلال یاسین نے واضح کیا کہ شہری، کسی بھی ہنگامی صورتحال یا شکایت کی صورت میں متعلقہ ہیلپ لائنز سے فوری رابطہ کریں۔ اس بار مون سون میں معمول سے زیادہ بارشوں کی توقع، لاہور سمیت پنجاب بھر میں نکاسی آب کے نظام کو مزید مؤثر اور جدید بنایا جارہا ہے۔
*وزیر ہاؤسنگ پنجاب بلال یاسین کا شہر کے مختلف علاقوں کا دورہ ،لکشمی چوک پر نکاسی آب کے انتظامات کا جائزہ*
