ڈپٹی میئر کراچی سلمان عبداللہ مراد سے مصنوعی ذہانت (اے آئی) اور ذہنی صحت کے موضوع پر کتاب کی مصنفہ ڈاکٹر علیشبہ نے ملاقات کی، اس موقع پر ڈپٹی میئر کراچی نے عالمی سطح پر نمایاں کامیابی حاصل کرنے اور عالمی ریکارڈ قائم کرنے پر ڈاکٹر علیشبہ کو مبارکباد دی، ڈپٹی میئر کراچی سلمان عبداللہ مراد نے کہا کہ ڈاکٹر علیشبہ نے نہ صرف کراچی بلکہ پورے پاکستان کا نام عالمی سطح پر روشن کیا ہے، انہوں نے کہا کہ مصنوعی ذہانت اور ذہنی صحت جیسے اہم اور جدید موضوع پر عالمی سطح پر نمایاں کارنامہ انجام دینا پاکستان کے لیے باعثِ فخر ہے، انہوں نے کہا کہ پاکستانی نوجوانوں، بالخصوص خواتین کے لیے ڈاکٹر علیشبہ کی کامیابی ایک قابلِ تقلید مثال ہے جو محنت، صلاحیت اور عزم کے ذریعے نئی نسل کو آگے بڑھنے کا حوصلہ دیتی ہے،اس موقع پر ڈپٹی میئر کراچی نے عالمی سطح پر پاکستان کا مثبت تشخص اجاگر کرنے اور علمی میدان میں نمایاں خدمات انجام دینے پر ڈاکٹر علیشبہ کو یادگاری شیلڈ بھی دی، ڈاکٹر علیشبہ نے ڈپٹی میئر کراچی سلمان عبداللہ مراد کا شکریہ ادا کرتے ہوئے کہا کہ وہ اپنی صلاحیتوں، تحقیق اور علمی کاوشوں کے ذریعے مستقبل میں بھی پاکستان کی نمائندگی جاری رکھیں گی اور نوجوانوں کی رہنمائی کے لیے اپنا کردار ادا کرتی رہیں گی، ملاقات کے دوران باہمی دلچسپی کے امور، مصنوعی ذہانت، ذہنی صحت اور نوجوانوں کے لیے تحقیق و تعلیم کے فروغ سے متعلق مختلف موضوعات پر بھی تبادلہ خیال کیا گیا۔
ڈپٹی میئر کراچی سلمان عبداللہ مراد سے اے آئی اور ذہنی صحت پر کتاب کی مصنفہ ڈاکٹر علیشبہ کی ملاقات
