*سیلاب و مون سون انتظامات جائزہ دورے جاری- کمشنر لاہور نعمان یوسف کا راوی سائفن کا دورہ.*

سیلاب و مون سون انتظامات جائزہ کے حوالے سے کمشنر لاہور نعمان یوسف کے مختلف علاقوں کے دورے جاری ہیں۔ کمشنر لاہور نعمان یوسف نے راوی سائفن کا دورہ کیا۔ اس موقع پر ڈی سی لاہور کیپٹن ر علی اعجاز بھی ہمراہ موجود تھے۔ چیف انجینر محکمہ اریگیشن راشد منہاس نے بریفنگ دی۔ بریفنگ میں کمشنر لاہور کو آگاہ کیا گیا کہ محکمہ اریگیشن اپنے لیول پر پانی کی آمد، بہاو اور سطح کو مانیٹر کررہا ہے، محکمہ اریگیشن گزشتہ سال سیلاب کے بعد اب تک مرمت و بحالی کے اہداف مکمل کر چکا ہے۔کمشنر لاہور نعمان یوسف نے محکمہ اریگیشن اور ضلعی انتظامیہ کو ہدایات دیتے ہوئے کہا ہے کہ ضلعی انتظامیہ لاہور و شیخوپورہ ممنوعہ مقامات سے ریت نکالنے پر کاروائیاں کریں، سٹریٹیجک برجز و بیز ایریاز سے ریت نکالنے کے باعث انفراسٹرکچر کو نقصان پہنچ سکتا ہے۔ کمشنرلاہور نے کہا کہ محکمہ اریگیشن راوی کے ریلوے اور ہائی ویز کے برجز کی بیز کو مکمل کلیر کریں۔ انہوں نے کہا کہ سیلاب سے انسانی جان و مال اور انفراسٹرکچر کے تحفظ کیلئے ہم سب کی برابر کی ذمہ داری ہے۔