وزیر بلدیات سندھ سید ناصر حسین شاہ اور میئر کراچی مرتضی وہاب نے کورنگی نمبر 5 فلائی اوؤر کا افتتاح کردیا

کورنگی لانڈھی فلائی اوور مکمل، 74 کروڑ 66 لاکھ روپے سے زائد لاگت، سید ناصر حسین شاہ اور مرتضیٰ وہاب نے افتتاح کردیا، صنعتی علاقوں کیلئے 4 ارب روپے کے ترقیاتی پیکیج کا اعلان بھی کر دیا گیا۔وزیر بلدیات سندھ سید ناصر حسین شاہ نے اس موقع پر کہا کہ اس خطے کا سب سے بڑا آٹیزم سینٹر کورنگی میں بن رہا ہے جس میں دی جانے والی سہولیات دنیا کے دیگر ممالک سے زیادہ ہیں۔ کورنگی اور لانڈھی کے صنعتی ایریا کیلئے وزیراعلیٰ سندھ کی جانب سے 4 ارب روپے دیئے گئے ہیں تاکہ یہاں مقامی سطح پر ملازمتیں دی جا سکیں اور لوگوں کو بھلا ہو۔صوبہ سندھ میں کئی منصوبے مکمل ہوچکے ہیں، بے شمار جاری ہیں اور بہت سے ابھی شروع ہوں گے۔ چیئرمین صاحب کے وژن کی روشنی میں وزیراعلیٰ سندھ سے لیکر کابینہ کے اراکین اور پارٹی عہدیداروں تک اس ترقی کے سفر کو آگے بڑھا رہے ہیں۔میئر کراچی بیرسٹر مرتضٰی وہاب نے بھی تقریب سے خطاب کیا۔