گلگت بلتستان حکومت کی جانب سے خطے کو زرعی شعبے میں خود کفیل بنانے اور مقامی کسانوں کی فلاح و بہبود کے لیے ایک اور اہم سنگ میل ۔ وزیر اعلیٰ گلگت بلتستان امجد حسین کی خصوصی ہدایات کی روشنی میں، "وزیر اعلیٰ ویژن برائے زراعت” کے تحت صوبے بھر کے زمینداروں کو معیاری اور تصدیق شدہ گندم کا بیج 50 فیصد رعایتی نرخوں پر فراہم کیا جا رہا ہے۔ اس منصوبے پر کل 14 کروڑ روپے کی لاگت آئے گی، جس کے تحت پنجاب سے اعلیٰ کوالٹی کا تصدیق شدہ گندم کا بیج حاصل کر کے گلگت بلتستان کے تمام اضلاع میں تقسیم کیا جائے گا۔محکمہ زراعت، لائیو سٹاک اور فشریز ڈیپارٹمنٹ گلگت بلتستان نے کسانوں کو گھر بیٹھے آسان اور شفاف انداز میں بیج کے حصول کی سہولت فراہم کرنے کے لیے آن لائن پورٹل کا باقاعدہ آغاز کر دیا ہے۔ خطے کے تمام اضلاع کے کاشت کار سرکاری ویب سائٹ ([https://schemes.alfgb.gog.pk/schemes/distribution-of-wheat-seed-cost-sharing/apply](https://schemes.alfgb.gog.pk/schemes/distribution-of-wheat-seed-cost-sharing/apply)) پر جا کر اپنی درخواستیں جمع کروا سکتے ہیں۔ اس کے علاوہ وہ کسان جو آن لائن پورٹل استعمال کرنے سے قاصر ہیں، وہ اپنے متعلقہ ضلع کے ڈپٹی ڈائریکٹر زراعت کے دفتر یا ایگریکلچر آفیسر سے براہِ راست رابطہ کر کے بھی رجسٹریشن کروا سکتے ہیں۔
گلگت بلتستان حکومت کا کسان دوست اقدام،گندم کا معیاری بیج 50 فیصد رعایت پر فراہم کرنے کا فیصلہ
