وزیر اعلیٰ پنجاب مریم نواز شریف کا ماحول دوست منصوبہ،سموگ اور ماحولیاتی آلودگی کے تدارک کے لیےلاہور کے اردگرد جنگل نما حد بندی کی جائے گی۔پنجاب حکومت کا لنگز آف لاہور منصوبہ دنیا میں اپنی مثال قائم کرنے کو تیار ہے۔منصوبے کے تحت تقریباََ 48 لاکھ سے زائد پودےلگائے جائیں گے۔ترجمان محکمہ ہاؤسنگ پنجاب 
پی ایچ اے لاہور لنگز آف لاہورمنصوبہ مکمل کرے گا۔ لاہور کی جنگل نما حد بندی کی کل لمبائی 112 کلومیٹراوررقبہ 1711 ایکڑ ہو گا۔رنگ فاریسٹیشن منصوبہ تین مراحل میں مکمل کیا جائے گا۔
پہلے مرحلے میں 1210 ایکڑ اراضی پر 59 کلومیٹر لمبا رنگ فاریسٹ بنایا جائے گا۔دوسرے مرحلے میں 31 اور تیسرے میں 22 کلومیٹر رنگ فارسٹیشن کی جائے گی۔پہلامرحلہ ایک سال کے عرصے میں مکمل کیا جائے گا،ترجمان محکمہ ہاؤسنگ کے مطابق لنگز آف لاہور منصوبے سے تقریباََدو کروڑ افراد مستفید ہونگے۔منصوبے سے سموگ اور ماحولیاتی آلودگی کے تدارک میں مدد ملے گی۔مختلف اقسام کے علاقائی درخت لگائے جائیں گے۔جامن، کچنار،امرود، اور دیگر پھلوں والے درخت لگائے جائیں گے۔نمائشی درختوں میں پلکن، ارجن، گل نشتر، سکھ چین م، جیٹروفہ اور دیگر اقسام شامل ہیں۔وزیر اعلیٰ پنجاب کے وژن کے مطابق سموگ کے تدارک کے لیے منفرد اور نتیجہ خیز منصوبہ لایا جا رہا ہے،ترجمان محکمہ ہاؤسنگ نے کہا ہے کہ اس منصوبے سے نہ صرف ماحولیاتی آلودگی بلکہ شہری پھیلاؤ روکنے میں بھی مدد ملے گی۔سینئر منسٹر پنجاب مریم اورنگزیب سموگ اور ماحولیاتی آلودگی کے مکمل خاتمے کے لیے متحرک ہیں۔وزیر اعلیٰ پنجاب کی ہدایت کے مطابق منصوبے کو جلد از جلد مکمل کیا جائے گا۔
