وزیر ہاؤسنگ بلال یاسین، ڈی جی ایل ڈی اے طاہر فاروق کی پتنگ بازی،چیف انجینئر ٹیپا اقرار حسین نے ڈور پکڑنے کا فریضہ سرانجام دیا

شہر لاہور میں بسنت کا جشن جاری۔۔ صوبائی وزراء بھی جشن بسنت سے محظوظ ہوتے رہے۔اندرون لاہور موہنی روڈ کی چھت پر صوبائی وزیر بلال یاسین نے گڈے اڑائے اور پیچے لگائے۔صوبائی وزیر بلال یاسین اور ڈی جی ایل ڈی اے طاہر فاروق نے ایک ہی چھت سے گڈے اڑائے اور پیچے لگائے۔۔رنگ برنگے گڈوں کے فضا میں پیچوں سے شائقین کا شوروغل بھرپور رہا۔چیف انجینئر ٹیپا اقرار حسین بھی ڈور پکڑاتے رہے۔ اندرون لاہور کی فضا*بو کاٹا* *او گئی جے*کی آوازوں سے گونجتی رہی۔صوبائی وزیر بلال یاسین نے وزیر اعلیٰ پنجاب مریم۔نواز شریف سے اظہار تشکر کیا۔ ان کا کہنا تھا کہ وزیر اعلیٰ نے لاہور کی روایت کو زندہ کیا، حفاظتی تدابیر اپنانا اب ہماری ذمہ داری ہے۔ بسنت کے تینوں روز لاہور کے ہر علاقے میں جشن بسنت اور روائتی کھابے چلیں گے، جو زندہ دلان لاہور کی پہچان ہے۔