کمشنر لاہور مریم خان نے لاہور قزافی اسٹیڈیم کا دورہ کیا۔ کمشنر لاہور نے قذافی اسٹیڈیم میں کھیلے جانے والے پی ایس ایل میچز کے لیے میونسپل و سکیورٹی انتظامات کا حتمی جائزہ لیا۔ اس موقع پر ڈی سی لاہور کیپٹن ر علی اعجاز، ایس ایس پی سکیورٹی توقیر اور پی سی بی حکام بھی ہمراہ موجود تھے۔ سکیورٹی اداروں و پولیس انتظامیہ نے حفاظتی سطحوں پر بریفنگ دی۔کمشنر لاہور مریم خان نے کہا کہ آج پی ایس ایل کا پہلا میچ ہے پاکستان کرکٹ کا بڑا ایونٹ شروع ہونے جارہا ہے، ضلعی انتظامیہ و پولیس کے کنٹرول روم قائم ہوچکے ہیں۔ انہوں نے کہا کہ پی ایس ایل سے متعلقہ تمام انتظامی محکموں کے فوکل پرسنز کنٹرول روم میں موجود رہیں۔ کمشنر لاہور نے کہا کہ سکیورٹی پروٹوکول اور ایس او پیز کے مطابق انتظامی اقدامات حتمی کرلیے گئے ہیں۔بعد ازاں کمشنر لاہور مریم خان نے سروسز ہسپتال کا بھی دورہ کیا۔ کمشنر لاہور نے نئے تعینات ہونے والے ایم ایس سروسز ہسپتال کو چیک لسٹ کے مطابق اقدامات اٹھانے کی ہدایت دی۔
کمشنر لاہور مریم خان کا قذافی اسٹیڈیم کا دورہ، پی ایس ایل میچز کے لیے میونسپل و سکیورٹی انتظامات کا حتمی جائزہ
