پنجاب حکومت کی جانب سے کم لاگت رہائشی منصوبوں کو ترجیحی بنیادوں پر فروغ دینے کا عزم۔۔وزیر ہاؤسنگ اینڈ اربن ڈویلپمنٹ بلال یاسین نے پھاٹا کے زیر اہتمام منعقدہ انٹرنیشنل کانفرنس کے شرکاء سے اظہار خیال کیا۔ صوبائی وزیر کا کہنا تھا کہ وزیر اعلیٰ پنجاب نے عہدہ سنبھالتے ہی عام آدمی کو اپنی چھت فراہم کرنے کا وعدہ کیا تھا۔ اپنی چھت اپنا گھر اور اپنی زمین اپنا گھر جیسے خوابوں کو عملی شکل دی گئی۔ وزیر اعلیٰ پنجاب کے اپنی چھت اپنا گھر پروگرام کی عالمی اداروں میں پذیرائی خوش آئند اور باعث تقلید ہے۔ پبلک پرائیویٹ پارٹنرشپ کے تحت ہاؤسنگ سیکٹر میں سرمایہ کاری کے مواقع پیدا کر رہے ہیں۔ کم آمدنی والے طبقات کیلئے بلاسود قرضوں اور آسان اقساط پر گھروں کی فراہمی تیزی سے جاری ہے۔ بلال یاسین نے واضح کیا کہ شہری آبادی میں تیزی سے اضافے کے پیش نظر جدید اور پائیدار ہاؤسنگ ماڈلز متعارف کروا رہے ہیں۔ گرین بلڈنگ، ماحول دوست تعمیرات اور توانائی بچانے والے گھروں کو فروغ دیا جائے گا۔ اس موقع پر ڈی جی پھاٹا سکندر ذیشان کا کہنا تھا کہ ہاؤسنگ فنانس کو آسان بنانے کیلئے بینکنگ سیکٹر کے ساتھ تعاون وقت کی ضرورت ہے۔عالمی اداروں کے ساتھ شراکت داری کے ذریعے ہاؤسنگ بحران پر قابو پانے کی حکمت عملی میں کانفرنس کے شرکاء نے مدد دی۔ کانفرس کے شرکاء کا بین الاقوامی تجربات سے سیکھنے اور جدید ٹیکنالوجی کے استعمال پر زور دیا۔ عالمی اداروں اور تنظیموں سے افراد کی کثیر تعداد نے کانفرنس میں شرکت کی۔
وزیر اعلیٰ پنجاب کے اپنی چھت اپنا گھر پروگرام کی عالمی اداروں میں پذیرائی،بہترین منصوبہ قرار،بلال یاسین
