کمشنر لاہور نعمان یوسف کا مون سون انتظامات جائزہ کے لئے لاہور شہر کے مختلف علاقوں کا دورہ

کمشنر لاہور نعمان یوسف نے مون سون انتظامات جائزہ کے لئے لاہور شہر کے مختلف علاقوں کا دورہ کیا۔ انہوں نے نالوں کے ڈی سلٹنگ آپریشنز، انڈرگراونڈ واٹر ٹینکس تعمیر پیشرفت کا جائزہ لیا۔ کمشنر لاہور نے شادمان ڈرین، برکت مارکیٹ واٹر ٹینک، گارڈن ٹاون، قزافی اسٹیڈیم واٹر ٹینک اور ستوکتلہ ڈرین کا دورہ کیا۔ اس موقع پر ایم ڈی واسا غفران احمد نے ڈرینز ڈی سلٹنگ و انڈر گراونڈ واٹر ٹینکس پر بریفنگ دی۔ بریفنگ دیتے ہوئے کہا کہ مون سون سے قبل بھی تمام ڈرینز کی مرحلہ وار ڈی سلٹنگ کی گئی ہے۔کمشنر لاہور نعمان یوسف نے کہا ہے کہ اربن فلڈنگ سے بچاو کیلئے شہر کی تمام ڈرینز کی ڈی سلٹنگ جاری ہے، مون سون کے دوران بھی شہر کی تمام ڈرینز کی صفائی جاری رہے گی۔ انہوں نے کہا کہ انڈرگراونڈ واٹر ٹینکس بننے سے شہر میں رین ایمرجنسی ہاٹ سپاٹس کم ہوگئے ہیں۔ کمشنر لاہور نے کہا کہ نکاسی آب کیلئے شہر کے نشیبی ایریاز پر خصوصی فوکس کیا جائے، زیر تعمیر واٹر ٹینکس ایریا کو عام داخلہ کیلئے مکمل طور بند رکھا جائے، وزیر اعلی پنجاب کی ہدایات واضح ہیں نکاسی آب کو کم سے کم وقت میں ممکن بنایا جائے گا۔