وزیر اعلی خیبر پختونخوا محمد سہیل آفریدی نے اپنے اس پیغام میں کہا ہے کہ آپ بھی آفریدی ہے اور میں بھی۔ میں اپنی ذات کے لیے نہیں، 4 کروڑ 50 لاکھ لوگوں کے لیے نہیں بلکہ پورے 25 کروڑ عوام کے لیے آیا ہوں جو دیکھ رہے ہیں کہ ملک میں کیا چل رہا ہے۔ 90 فیصد لوگ عمران خان کی صحت کے حوالے سے تشویش اور غم وغصہ کا اظہار کررہے ہیں۔عمران خان کا علاج اپنی مرضی کے مطابق ہونا انکا آئینی و انسانی حق ہے۔ انکی بہنیں روز آتی جاتی ہیں کہ انکی موجودگی میں عمران خان کو علاج ہو لیکن بدقسمتی سے انکو وہ حق نہیں مل رہا۔میں بحثیت ایک آفریدی اور بطور اسی صوبے کے وزیر اعلی جہاں سے آپ کا بھی تعلق ہے، آفریدی قبیلے کے روایات بھی ہیں کہ جب کوئی اس کے دروازے پر آتا ہے تو خالی ہاتھ جانے نہیں دیا جاتا۔ اسلیے میں آپکے دروازے پر آیا ہوں اور مجھے امید ہے کہ آپ ہمیں اور عمران خان کو انصاف دیں گے۔
