لاہور ہائیکورٹ میں پاکستان تحریک انصاف کے محمد اعجاز شفیع اور شیخ امتیاز محمود ایم پی ایز کی بلدیاتی انتخابات بروقت اور جماعتی بنیادوں پر کرانے کےکیس کی سماعت ہوئی۔جسٹس سلطان تنویر احمد نے لوکل گورنمنٹ کےرولز کےمتعلق دس روزمیں رپورٹ طلب کرلی ہے۔عدالت نے مقامی نمائندوں کےانتظامی اورمالی اختیارات سے متعلق بھی رپورٹ طلب کرلی۔۔وکیل الیکشن کمیشن نے بتایا کہ حلقہ بندیوں کےرولز بن چکے ہیں۔نمائندہ لوکل گورنمنٹ نے بتایا کہ یونین کونسلز کی حلقہ بندیاں کی جاچکی ہیں۔لوکل گورنمنٹ رولز بناکرمنظوری کےلئے کابینہ کوبھجوائے گئےہیں۔۔وکیل اظہر صدیق نے کہا کہ نئے قانون میں مئیر کے اختیارات سلب کردئیے گئے۔جسٹس سلطان تنویرنےکیس کی سماعت کی۔درخواست گزاروں کےوکیل اظہر صدیق نے دلائل دئیے اور کہا کہ سرکاری وکیل نے بلدیاتی انتخابات جماعتی بنیادوں پر کرانے کی یقین دہانی کرائی تھی۔حکومت غیر جماعتی اور تاخیرسے بلدیاتی انتخابات کرانا چاہتی ہے۔غیرجماعتی اور تاخیرسےانتخابات کرانے سے جمہوریت کونقصان پہنچے گا۔غیرجماعتی بلدیاتی انتخابات اور تاخیر آئین کےمنافی ہے۔عدالت عوامی مفاد میں بلدیاتی انتخابات جلد کرانے کا حکم دے۔عدالت صوبے میں جماعتی بنیادوں بلدیاتی الیکشن کرانے کا حکم دے۔
جماعتی بنیادوں پر بلدیاتی انتخابات کیس،لاہور ہائی کورٹ نےلوکل گورنمنٹ کےرولز سےمتعلق دس روزمیں رپورٹ طلب کرلی
