وائس چیئرمین ایل ڈی اے میاں مرغوب احمد سے سرکلرروڈ تاجران کے وفد نے ملاقات کی اور انہیں سرکلر روڈ کےتاجران کو درپیش مسائل سے آگاہ کیا۔اس موقع پرمیاں مرغوب احمدنے سرکلرروڈ کی بزنس کمیونٹی کودرپیش مسائل کے جلد اور مؤثر حل کی یقین دہانی کرواتے ہوئے کہاکہ بزنس کمیونٹی کی مشاورت سے ترقیاتی منصوبوں کوعوامی ضروریات سے ہم آہنگ کیاجائے گا۔بزنس کمیونٹی ملکی معیشت کا اہم ستون ہے،اسے تحفظ دیناہماری اولین ترجیح ہے۔میاں مرغوب احمدنے کہاکہ تاجروں کے مسائل کا حل مسلم لیگ ن حکومت کی اولین ترجیح ہے۔قائد مسلم لیگ ن میاں نوازشریف اوروزیراعلی پنجاب مریم نواز کے وژن کے مطابق بزنس کمیونٹی کے مسائل حل کریں گے۔ ملاقات مین سرکلرروڈ کے تاجران نے ایل ڈی اے کے مختلف ترقیاتی منصوبوں کو سراہااور حکومتی اقدامات پر اطمینان کا اظہار کیا۔اس موقع پرایل ڈی اے کے متعلقہ افسران بھی موجود تھے۔
