چیئرمین سی ڈی اے محمد علی رندھاوا کی زیر صدارت سی ڈی اے ہیڈکوارٹرز میں سی ڈی اے بورڈ کا تیسرا اجلاس منعقد ہوا. اجلاس میں سی ڈی اے بورڈ کے تمام ممبران نے شرکت کی. سی ڈی اے بورڈ کے تیسرے اجلاس میں مختلف ایجنڈہ آئٹمز زیر غور لائے گئے.تفصیلات کے مطابق سی ڈی اے بورڈ کے تیسرے اجلاس میں سی ڈی اے ہسپتال کے مالی معاملات کو احسن طریقے سے چلانے کیلئے ڈائریکٹر فنانس کی تعیناتی کی منظوری دی گئی.
اجلاس میں فیصلہ کیا گیا کہ سی ڈی اے کے مالی معاملات کیلئے سیپ (SAP) سسٹم کو رائج کیا جائے گا. اس ضمن میں فیصلہ کیا گیا کہ سی ڈی اے کے مالی معاملات میں گورنمنٹ آف پاکستان کا اکائونٹنگ سسٹم سیپ (SAP) متعارف کروایا جائے گا. اسی طرح سی ڈی اے بورڈ کے اجلاس میں ہیلتھ سروسز ونگ میں مختلف کٹس کی فراہمی کیلئے ریٹ رننگ کنٹریکٹ کی منظوری دی گئی.
سی ڈی اے بورڈ کو بریفنگ دیتے ہوئے بتایا گیا کہ سیکٹر F-6 میں واقع پیڑول پمپ کی ماہانہ لیز 2 لاکھ 92 ہزار سے بڑھا 45 لاکھ ماہانہ کردی گئی ہے ۔اجلاس کو مزید بتایا گیا کہ پیٹرول پمپ کے سالانہ لیز پر 10 فیصد ہر سال اضافہ بھی ہوگا.چیئرمین سی ڈی اے محمد علی رندھاوا نے کہا کہ ایڈمن ونگ کے زیر انتظام تمام اثاثوں کا ڈیٹا مرتب کیا جائے. اجلاس میں اسلام آباد کو مزید خوبصورت بنانے کیلئے سی ڈی اے میں لینڈ سکیپنگ ماہرین بھرتی کرنے کا بھی فیصلہ کیا گیا۔ اجلاس میں اسلام آباد واٹر ایجنسی کیلئے مینجنگ ڈائریکٹر اور 3 ڈاریکٹرز بھی بھرتی کرنے کا فیصلہ کیا گیا. اسی طرح ادارے میں اربن ڈویلپر اور کاربن کریڈٹ ایکسپرٹ بھی بھرتی کرنے کا فیصلہ کیا گیا.علاوہ ازیں سی ڈی اے سے ہاؤس بلڈنگ ایڈوانس لیکر کٹوتی نہ کروانے والے ڈیپوٹیشن افسران و ملازمین کے خلاف کارروائی کا فیصلہ کیا گیا۔اس ضمن میں فیصلہ کیا گیا کہ کٹوتی نہ کروانے والے ڈیپوٹیشن افسران کے خلاف کاروائی کیلئے اسٹبلشمنٹ ڈویژن کو درخواست کی جا ئے گی۔ اجلاس میں یہ بھی فیصلہ کیا گیا کہ کسی بھی ڈیپوٹیشن افسر و ملازم کی آخری تنحواہ کا سرٹیفیکیٹ اس وقت تک جاری نہ کیا جائے جب تک وہ سی ڈی اے سے حاصل کردہ ایڈوانس واپس نہ کردے.چیئرمین سی ڈی اے محمد علی رندھاوا نے کہا کہ سی ڈی اے کے افسران و ملازمین کیلئے سی ڈی اے سے ملنے والے ہاؤس بلڈنگ ایڈوانس اور کار ایڈوانس کے ساتھ دیگر بینکوں سے آسان قرضوں کی فراہمی کیلئے کام کیا جائے.سی ڈی اے بورڈ کے اجلاس میں پارک روڈ پر واقع نرسری کی اپ گریڈیشن کرنے کا فیصلہ بھی کیا گیا اور نرسری میں کاربن کریڈٹ سینٹر قائم کرنے کی تجویز بھی زیر غور لائی گئی.سی ڈی اے بورڈ نے گرین فورٹئیر ڈیٹا سینٹر کیلئے ٹرانزیکشن ایڈوائزر کی خدمات حاصل کرنے کی منظوری بھی دی گئ۔ اسی طرح My Islamabad App کی ای پیمنٹ کے گیٹ ویز کی منظوری بھی دی. سی ڈی اے بورڈ کے اجلاس میں پارلیمنٹ لاجز اور گورنمنٹ ہاسٹل کی بحالی کیلئے کنسلٹنٹ کی خدمات (F)42 کے تحت حاصل کرنے کی منظوری بھی دی گئی.
