وزیر اعلیٰ پنجاب مریم نواز شریف کی زیر صدارت خصوصی اجلاس منعقد ہوا،جس میں محکمہ صحت سے متعلق اہم فیصلے کیے گئے۔اجلاس میں پنجاب کے پبلک اورپرائیویٹ میڈیکل اینڈڈینٹل کالجز کیلئے ایڈمشن پالیسی کی منظوری دی گئی۔اجلاس میں سرکاری میڈیکل کالجز میں داخلے کیلئے ایم ڈی کیٹ ٹیسٹ پاس کرنا ضروری قرار دیاگیا۔اوورسیز پاکستانیزکے بچوں کیلئے 20ہزار ڈالر فیس مقررکی گئی۔اجلاس میں پرائیویٹ میڈیکل کالج میں داخلے کیلئے یونیورسٹی آف ہیلتھ سائنسز میں فیس جمع کروانے کا فیصلہ کیاگیا۔پرائیویٹ میڈیکل اینڈ ڈینٹل کالجزکی حتمی لسٹ آنے کے بعد متعلقہ کالج کو جمع شدہ ایک تہائی فیس ٹرانسفر کرے گی۔پرائیویٹ میڈیکل اینڈ ڈینٹل کالجز میں داخلے کے خواہشمند طلبا حتمی میرٹ لسٹ آنے پر متعلقہ کالج میں ہی فیس جمع کرائیں گے۔اجلاس میں پرائیویٹ ہسپتالوں میں پوسٹ گریجویٹ ٹریننگ کے بعد لازمی سروس لینے کی باہم تجویز پر اتفاق کیا گیا۔پرائیویٹ میڈیکل کالجز میں سپیشلسٹ کی مانگ کے مطابق ٹرینی ڈاکٹر کومتعلقہ شعبے میں سپیشلائزڈکیلئے بھیجا جائے گا۔وزیراعلیٰ مریم نوازشریف نے ساہیوال میں پہلی کامیاب انجیو پلاسٹی پر اظہار مسرت کیا ہے۔وزیراعلیٰ مریم نوازشریف نے ساہیوال کے کارڈیک مرکزمیں سرجری کے آغازکو خوش آئند قراردیاہے۔وزیراعلیٰ مریم نوازشریف نے میو ہسپتال کو ابلیشن سینٹر میں مریضوں کے علا ج کیلئے فول پروف اورشفاف طریقے کار وضع کرنے کی ہدایت کی ہے۔ وزیراعلیٰ مریم نوازشریف نے کینسر کے مریضوں کو ہر صورت ریلیف دینے کی ہدایت ہے۔پنجاب میں نئے میڈیکل کالج کی الگ بلڈنگ بنانے کے بجائے سرکاری یونیورسٹیوں میں ہی میڈیکل بلاک بنانے کی تجویز پر اتفاق کیاگیا ہے۔
وزیراعلیٰ مریم نوازشریف نے پنجاب کے مختلف اداروں کے بورڈ آف مینجمنٹ کی منظوری دے دی۔وزیراعلیٰ مریم نوازشریف نے کہاکہ پنجاب کے ہر ہسپتال میں غریب مریض کو روپیہ خرچ کیے بغیر مفت علاج کی سہولت ملنی چاہیے۔میں چاہتی ہوں کہ کینسر کے ہر مریض کا علاج ممکن بنایا جائے۔وزیراعلیٰ مریم نوازشریف نے نواز شریف میڈیکل سٹی کے جلد قیام کیلئے بھی ضروری اقدامات کرنے کی ہدایت کردی ہے۔
