وزیراعلی پنجاب مریم نواز شریف نے اسلام آبادکے نواحی ترلائی میں خودکش حملے کی شدید مذمت کی اور معصوم نمازیوں کی شہادت پر گہرے دکھ کا اظہارکیاہے-وزیراعلی مریم نوازشریف نے ترلائی خود کش دھماکے کے زخمیو ں کے علاج معالجہ کے لئے ڈپٹی کمشنر راولپنڈی کو اسلام آباد انتظامیہ سے بھرپور معاونت کی ہدایت کی اور زخمیوں کو راولپنڈی کے سرکاری ہسپتالوں میں علاج معالجہ کی بہترین سہولتیں فراہم کرنے کاحکم دیا-وزیراعلی مریم نوازشریف کے حکم پر 25ایمبولینسز اسلام آباد روانہ کردی گئیں -وزیراعلی مریم نواز شریف کے ایکس میسج پر بتایا گیاکہ ضلع راولپنڈی کے تمام ہسپتالو ں میں ہا ئی الرٹ کردیا گیا جبکہ سرجنز او ردیگر سپیشلسٹ ڈاکٹروں کی خدمات بھی طلب کر لی گئیں -وزیراعلی مریم نوازشریف نے زخمیوں کے لئے متعلقہ بلڈ گروپ کاخون بھی مہیا کرنے اور زخمیوں کے علاج کے لئے تمام تر میسر وسائل بروئے کارلانے کی ہدایت کی-وزیراعلی مریم نوازشریف نے کمشنر او رڈپٹی کمشنر کو خود زخمیوں کے علاج کی مانیٹرنگ کرنے کی ہدایت کی اورکہاکہ دکھ کی اس گھڑی میں شہداء کے خاندانوں کے ساتھ ہیں -ترلائی بم دھماکے کی شدت کو دل سے محسوس کیاہے-وزیراعلی مریم نوازشریف نے کہاکہ دہشت گرد کسی صورت سزا سے بچ نہیں سکیں گے –
