وزیراعلیٰ خیبرپختونخوا محمد سہیل خان آفریدی نے بلوچستان کے شہر کوئٹہ میں ہونے والے دہشتگردی کے افسوسناک واقعے پر وزیراعلیٰ بلوچستان میر سرفراز بگٹی کے نام تعزیتی خط ارسال کرتے ہوئے قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔وزیراعلیٰ نے اپنے پیغام میں کہا کہ کوئٹہ میں دہشتگردی کے اس المناک واقعے میں معصوم شہریوں کی شہادت اور متعدد افراد کے زخمی ہونے کی خبر انتہائی دلخراش ہے۔ انہوں نے خیبرپختونخوا حکومت اور عوام کی جانب سے متاثرہ خاندانوں سے دلی ہمدردی اور تعزیت کا اظہار کرتے ہوئے کہا کہ خیبرپختونخوا اس مشکل گھڑی میں بلوچستان حکومت اور عوام کے ساتھ مکمل یکجہتی کے ساتھ کھڑا ہے۔وزیراعلیٰ محمد سہیل خان آفریدی نے کہا کہ دہشتگردی پورے ملک کے امن و استحکام کیلئے ایک مشترکہ خطرہ ہے، بلوچستان کے عوام، پولیس اور سیکیورٹی فورسز نے دہشتگردی کے خلاف جنگ میں بے مثال قربانیاں دی ہیں، جنہیں ہمیشہ عزت و احترام کے ساتھ یاد رکھا جائے گا۔وزیراعلیٰ نے شہداء کے درجات کی بلندی، لواحقین کیلئے صبر جمیل اور زخمیوں کی جلد و مکمل صحتیابی کیلئے بھی دعا کی۔
وزیراعلیٰ خیبرپختونخوا محمد سہیل خان آفریدی کاوزیراعلیٰ بلوچستان میر سرفراز بگٹی کے نام تعزیتی خط ارسال
