چیئر مین سی ڈی اے چیرمین سہیل اشرف نے اسلام آباد کی چار مارکیٹوں میں ایک ارب روپے کے ٹینڈر میں بد عنوانی کا نوٹس لے لیا،ڈی جی انفرا سٹرکچر حبیب اللہ شیخ سمیت مدثر پرویز، نقیب اللہ، عابد فاروق فارغ

چیئر مین سی ڈی اے نے ایک ارب روپے کے ٹینڈر میں بد عنوانی کا نوٹس لے لیا ہے۔ایک رپورٹ کے مطابق چیئر مین سی ڈی اے چیرمین سہیل اشرف نے اسلام آباد کی چار مارکیٹوں آبپارہ ،کوہسار،سپر اور جناح سپر مارکیٹ کی تزین وآرائش کے تقریبا ایک ارب روپے کے ٹینڈر میں بد عنوانی کا نوٹس لے لیا، ٹینڈر سیکورٹی کلیرنس کی قابل اعتراض شرط کو ختم کردیا اور ٹینڈر وصولی کی تاریخ میں توسیع کردی غلطی کے ذمہ دار چار افسروں ڈی جی انفرا سٹرکچر حبیب اللہ شیخ ۔ ڈائریکٹر مارکیٹس اینڈ روڈز مینٹی ننس مدثر پرویز۔ ڈپٹی دائریکٹر مارکیٹس اینڈ روڈز مینٹی ننس نقیب اللہ اور ڈپٹی ڈائریکٹر پرو کیورمنٹ عابد فاروق کو ان کے عہدوں سے ہٹا دیا ہے۔ ان چاروں افسروں کو و فوری ایچ ارڈی رپورٹ کرنے کی ہدایت کی ہے۔ذرائع کے مطابق سی ڈی اے کے پروکیورمنٹ اینڈ کنٹریکٹ ڈائریکٹو ریٹ نے مذکورہ چار مارکیٹوں کی تزین وآرائش کے کام کے ٹینڈرز طلب کئے جس کی آخری تاریخ 25مئی مقرر تھی۔ ٹینڈر میں ایک عجیب شرط عائد کردی گئی کہ تعمیراتی فرم سیکورٹی کلیر نس کی حامل ہو۔ اس شرط پر اعتراض کیا گیا کہ یہ شق دانستہ کسی من پسند فرم کو نوازنے اور کھلی وشفاف مسابقت کے عمل کو روکنے کیلئے دانستہ ڈالی گئی ۔ چیئر مین سی ڈی اے نے یہ شق ختم کرادی اور ٹینڈرکی وصولی کی آخر ی تاریخ 2جون مقرر کردی ۔ اب یہ ٹینڈرز اوپن ہوں گے۔