وزیراعلیٰ خیبرپختونخوا محمد سہیل آفریدی کی زیر صدارت وزیراعلیٰ ہاؤس پشاور میں صوبائی حکومت کے زیرِ انتظام ضم شدہ اضلاع اور مالاکنڈ ڈویژن میں ٹیکسوں کے نفاذ کے خلاف گرینڈ جرگہ منعقد کیا گیا۔ گرینڈ جرگے میں وزیراعلیٰ محمد سہیل آفریدی، صوبائی کابینہ اراکین، گورنر خیبرپختونخوا فیصل کریم کنڈی، صوبائی صدر پی ٹی آئی خیبرپختونخوا جنید اکبر خان, خیبرپختونخوا سے تعلق رکھنے والے سینیٹرز، سیاسی جماعتوں کی صوبائی قیادت، منتخب عوامی نمائندوں، قومی و صوبائی پارلیمنٹیرینز، تاجر تنظیموں کے صدور اور دیگر متعلقہ اسٹیک ہولڈرز نے شرکت کی۔گرینڈ جرگے میں ضم شدہ اضلاع اور مالاکنڈ ڈویژن میں ٹیکسوں کے نفاذ کے خلاف مختلف تجاویز، سفارشات اور آئندہ کے لائحہ عمل پر تفصیلی غور کیا گیا۔ وزیراعلیٰ محمد سہیل آفریدی نے کہا کہ گرینڈ جرگے کا مقصد ضم شدہ اضلاع اور مالاکنڈ ڈویژن میں ٹیکسوں کے نفاذ کے خلاف متفقہ لائحہ عمل اور مشترکہ حکمتِ عملی طے کرنا ہے۔ گرینڈ جرگے میں تمام متعلقہ اسٹیک ہولڈرز کو اپنی آراء، تجاویز اور سفارشات پیش کرنے کا بھرپور موقع فراہم کیا جا رہا ہے۔
خیبرپختونخوا حکومت کےزیرِ انتظام ضم شدہ اضلاع اور مالاکنڈ ڈویژن میں ٹیکسوں کے نفاذ کے خلاف گرینڈ جرگہ
