وزیراعلیٰ مریم نوازشریف کا لیہ میں میڈیکل کالج، ڈیرہ غازی خان اور لیہ کی یونیورسٹیوں کے لئے تین ارب روپے کے تاریخی فنڈز کا اعلان

وزیراعلیٰ پنجاب مریم نواز شریف نے لیہ میں لیپ ٹاپ اور ہونہار سکالر شپ کے چیک کی تقسیم کی تقریب میں اہم اعلانات کیے۔ وزیراعلیٰ مریم نوازشریف نے لیہ میں میڈیکل کالج قائم کرنے اور کلاسز شروع کرنے کا اعلان کیا۔ وزیراعلیٰ مریم نوازشریف نے ڈیرہ غازی خان اور لیہ کی یونیورسٹیوں کے لئے تین ارب روپے کے تاریخی فنڈز کا اعلان کیا۔ وزیراعلیٰ مریم نوازشریف نے ڈیرہ غازی خان اور لیہ میں نوازشریف سینٹرآف ایکسی لینس برائے ”ارلی چائلڈ ہوڈ ایجوکیشن“بنانے کا اعلان کیا۔ وزیراعلیٰ مریم نوازشریف کا110ارب روپے کے خطیر فنڈ سے پنجاب کے تمام سکولوں میں کلاس روم، ٹائلٹ اور دیگر بنیادی سہولتوں کی فراہمی کوایک سال میں مکمل کرنے کا اعلان بھی کیا۔ وزیراعلیٰ مریم نوازشریف نے اعلان کرتے ہوئے کہا کہ اب پنجاب کا کو ئی سکول ضروری سہولتوں سے محروم نہیں رہے گا۔وزیراعلیٰ مریم نوازشریف نے آپریشن بنیان مرصوص میں کامیابی پر آرمی چیف فیلڈمارشل سید عاصم منیر کو مبارکباد دی۔ وزیراعلیٰ مریم نوازشریف نے طلبہ کی طرف سے ایئر چیف بابر ظہیر سندھو کوبھی مبارکباد پیش کی اور تمام طلبہ کی طرف سے پاک فوج کے افسروں اور جوانوں اور دیگر اداروں کو خراج تحسین پیش کیا۔

وزیراعلیٰ مریم نوازشریف نے تقریب سے خطاب کرتے ہوئے کہا کہ نوجوان سیسہ پلائی دیوار بن جائیں تودنیا کی کوئی طاقت پاکستان کو ہار نہیں سکتی۔ آبادی اور وسائل کے لحاظ سے چھوٹاملک ہونے کے باوجود جذبے سے کئی گنا بڑے ملک کوشکست دی۔ جو کہتے تھے رافیل کوئی نہیں گراسکتا، ہم نے جے ایف تھنڈر سے مار گرایا۔نوجوان اپنی طاقت پہنچانیں اپنی قوم کے لئے خود بنیان مرصوص بنیں۔ وزیراعلیٰ مریم نوازشریف نے کہا کہ 28مئی 1998ء کو نوازشریف نے ملک کوایٹمی طاقت بنایا، اب دشمن میں حملے کی جرأت نہیں۔ جو بڑی طاقتوں سے نہیں ڈرتا وہی سچا لیڈر ہوتا ہے۔ وزیراعلیٰ مریم نوازشریف نے کہا کہ کامیابی پر طلبہ، اساتذہ اور ان کے والدین کو مبارکباد پیش کرتی ہوں، سب سے میں خوش ہوں۔ ہر طالب علم کی کامیابی پر بچوں کو ملنے والی خوشی سے زیادہ خوش ہوتی ہوں۔ میرے بچوں کے پاس وسائل ہیں لیکن وسائل نہ ہونے کے باوجود پڑھنے والے بچے قابل تحسین ہیں۔ حکومت کے سارے وسائل اپنے بچوں کے سامنے رکھنا چاہتی ہوں۔وزیراعلیٰ مریم نوازشریف نے کہا کہ والدین کے پاس وسائل نہ ہوتو ریاست کو ماں بن کر سوچنا چاہیے۔محنت کرکے اچھا رزلٹ لینے والے ہر بچے کے پاس ریاست خود پہنچے گئی۔ ہونہار سکالرشپ 30ہزار سے 50ہزار اور لیپ ٹاپ 40ہزار سے ایک لاکھ کر دیئے تاکہ بچوں کو کسی کا محتاج نہ ہونا پڑے۔طلبہ میرا شکریہ ادا نہ کرے میں تو صرف ان کا حق ان تک پہنچارہی ہوں۔ والدین کی دعائیں اور آپ کے خواب پورے کرنے کے لئے میں ہوں۔ وزیراعلیٰ مریم نوازشریف نے کہا کہ ابھی پہلا سال گزرا ہے،جیسے جیسے وقت گزرے گا طلبہ کے لئے مزید بہتری لائیں گے۔ پنجاب کا کوئی بچہ وسائل نہ ہونے کی وجہ سے تعلیم سے محروم نہیں رہے گا۔ 6 ماہ میں پاکستان کا پہلا تاریخی ارلی چائلڈ ہوڈ ایجوکیشن سنٹر بنایا۔ دن رات عوام کے لئے سوچتی ہوں اور رات 12 بجے تک کام کرتی رہتی ہوں۔ جو آپ کی روٹی، سبزی اور بجلی بل کی فکر کرے، وہی اصل ہمدرد ہے۔ دن رات کام کرکے عوام کے حالات میں بہتری لانا چاہتی ہوں۔ وزیراعلیٰ مریم نوازشریف نے کہا کہ خواتین کمشنر زاور ڈپٹی کمشنرز بہت اچھا کام کررہی ہیں۔ بچوں سے کہتی ہوں بڑے خواب دیکھواور بڑی سوچ رکھو۔ لیہ چھوٹا سا شہر ہے مگرمیرے دل کے بہت قریب ہے۔طلبہ کی دی گئی عزت اور پیار زندگی بھر نہیں بھلا سکتی۔ وزیراعلیٰ مریم نوازشریف نے کہا کہ بچوں کو ملنا ہو تو میرے پاس وقت ہی وقت ہے۔ مجھے رلانا آسان نہیں، قید تنہاہی میں نہیں روئی لیکن معصوم بچوں کی باتیں سن کر رونا آجاتا ہے۔وزیراعلیٰ مریم نوازشریف نے کہا کہ قوم کو میزائل نہیں فتنے تباہ کرتے ہیں۔ نوجوانوں کو غلط راستے پر ڈالنے والے ان کو تباہ کرتے ہیں۔شہداء کی قبریں روندنے والے تاریخ کے کچرا دانوں میں جاتے ہیں۔ اپنے اداروں کی عزت کرنے والے سر اٹھا کر جیتے ہیں۔ وردی پہننے والے ملک کی حفاظت پر قربان ہوگئے ہیں۔وردی جلانے والوں نے دراصل ملک و قوم کے وقار پر ناپاک حملہ کیا۔ وزیراعلیٰ مریم نوازشریف نے کہا کہ نوجوانوں کو کہتی ہوں کہ ملک اور قوم کے خلاف کبھی نہیں جانا۔ ادارے آپ کے اپنے ہیں، یادگاریں آپ کی ہیں اور میٹرو بس بھی ہم سب کی ہے۔ فتنہ فساد پھیلانے والوں کی باتوں میں کبھی نہیں آنا، جو ان کی باتوں میں آگئے وہ جیلوں میں پڑے ہیں۔ وزیراعلیٰ مریم نوازشریف نے کہا کہ اپنے بچے باہر اور دوسرے کے بچوں کو فتنہ فساد پر لگا دیا ہے۔10,9اور28 مئی نے بتایا دیا کون ڈویلپمنٹ اور ڈیفنس کے ساتھ ہے اور کون ڈس ٹرکشن کے ساتھ کھڑا ہے۔سب جاتنے ہیں کہ 9 مئی کو کیا گیا اور10 مئی کو کیا گیا،دونوں کیا فرق تھا۔

وزیراعلیٰ پنجاب مریم نوازشریف نے لیہ سپورٹس سٹیڈیم میں ڈیرہ غازی خان ڈویژن کیلئے ہونہار سکالر شپ فیز ٹو اور لیپ ٹاپ سکیم کا خود چیک تقسیم کرکے باقاعدہ آغاز کردیا ہے۔ وزیراعلیٰ مریم نواز شریف کا طالبات نے تقریب میں پہنچنے پر پرتپاک خیرمقدم کیا۔یونیورسٹی آف لیہ کی طالبہ حنا محمود نے اشعار پڑھ کروزیراعلیٰ مریم نواز شریف کو منظوم خراج تحسین پیش کیا۔ طلبہ نے چیف مقدمی نعرے لگائے اور پنڈال دیر تک پرجوش تالیوں سے گونجتا رہا۔ وزیراعلیٰ مریم نواز شریف نے طالبات کو گلے سے لگا یا اور بچوں کے ساتھ خود سیلفیاں بنائیں۔وزیراعلیٰ مریم نواز شریف نے نشستوں پر جاکر ارکان اسمبلی اور ٹکٹ ہولڈر سے ملاقات کی۔ وزیراعلی مریم نواز شریف کو روایتی شال بھی پہنائی گئی۔ ”پنجاب دی پگ…… پنجاب دی دھی رانی دے سنگ“ طالبہ نے پنسل سکچ پر کیپشن لکھا۔ درجنوں طلبہ نے وزیر اعلیٰ مریم نواز شریف کوہاتھ سے بنے پنسل سکچ اور پورٹریٹ پیش کئے۔ وزیراعلیٰ مریم نواز شریف نے تلاوت قرآن پاک اور نعت رسول مقبول کی سعادت حاصل کرنے والے طلبہ کو تحائف پیش کئے۔ سٹوڈنٹ میوزک سوسائٹی لیہ اور ڈی جی خان کے طلبہ نے ملی نغمہ ”اے میرے نوجواں، تم ہی بنیان مرصوص بن کر رہو“ پیش کیا۔ وزیراعلیٰ مریم نواز شریف نے شاباش دی اور طالبات کو گلے لگا لیا، تصویر بھی بنوائی۔ تقریب میں پولیس کے چاق وچوبند دستے نے طلبہ کو گارڈ آف آنر پیش کیا۔ وزیراعلیٰ مریم نواز شریف کے کہنے پر نواز شریف سینٹر آف ایکسی لینس فار”ارلی چائلڈ ہوڈ ایجوکیشن“کی متاثر کن ویڈیو پیش کی گئی۔ وزیراعلیٰ مریم نواز شریف نے ڈی سی لیہ امیرا بیدار کو سٹیج پر بلا کر شاباش دی۔ ڈیرہ غازی خان، مظفرگڑھ، لیہ اور راجن پور کے طلبہ و طالبات میں 1,645 لیپ ٹاپس تقسیم کیے گئے۔ 586 لیپ ٹاپ ڈی

جی خان ڈویژن کی سرکاری یونیورسٹیز، 199 میڈیکل کالج اور 860 لیپ ٹاپ کالجز کے طلبہ کو دئیے گئے۔ ہونہار سکالرشپ پروگرام کے فیز ٹو کے تحت ڈی جی خان ڈویژن کے1,696 طلبہ کو ایک کروڑ 93 لاکھ روپے ملے۔ ڈی جی خان ڈویژن کی 414 سکالرشپس سرکاری جامعات، 62 سکالرشپس میڈیکل کالج اور 1,220 سکالرشپس کالجز کے طلبہ کو دئیے گئے۔