پنجاب حکومت نے دو افسران کو او ایس ڈی،دو کو اضافی ذمہ داریاں سونپ دیں،نوٹیفیکیشن

پنجاب حکومت نے 2 افسران کو او ایس ڈی اور دو کو اضافی ذمہ داریاں سونپنے کے احکامات جاری کر دیئے ۔ سیکرٹری پرائس کنٹرول اینڈ کموڈیٹیز مینجمنٹ ڈیپارٹمنٹ محمد اجمل بھٹی کو تبدیل کر کے محکمہ ایس اینڈ جی اے ڈی رپورٹ کرنے کا حکم ، ڈائریکٹر جنرل ( خوراک ) کین کمشنر پنجاب لیفٹیننٹ (ر) محمد شعیب خان جدون کو بھی محکمہ ایس اینڈ جی اے ڈی رپورٹ کرنے کا حکم دیاگیا ہے،سیکرٹری محکمہ انڈسٹریز ، کامرس اینڈ انویسٹمنٹ محمد عمر مسعود کو سیکرٹری پرائس کنٹرول اینڈ کموڈیٹیز مینجمنٹ ڈیپارٹمنٹ کا اضافی چارج سونپ دیا گیا اور ڈائریکٹر جنرل انڈسٹریز ، پرائسز، ویٹ آصف علی فرخ کو ڈائریکٹر جنرل ( خوراک ) کین کمشنر پنجاب کا اضافی چارج سونپ دیا گیا ۔ چیف سیکرٹری پنجاب زاہد اختر زمان کی منظوری کے بعد محکمہ سروسز اینڈ جنرل ایڈمنسٹریشن نے نوٹیفکیشن جاری کر دیا۔