کمشنر لاہور ڈویژن زید بن مقصود کی زیر صدارت گندم کاشت اہداف اور دھی رانی پروگرام کے حوالے سے اجلاس منعقد ہوا۔ چاروں اضلاع کے ڈی سیز اور محکمہ زراعت کی جانب سے کمشنر لاہور کو گندم کاشت اہداف بارے بریفنگ دیتے ہوئے کہا گیا ہے کہ لاہور ڈویژن میں گندم کی 13لاکھ 33ہزار ایکڑ پر کاشت کا ہدف دیا گیا ہے، جس میں ابتک 5لاکھ 73ہزار ایکڑ پر کاشت ہوچکی ہے۔ کمشنر لاہور نے شیخوپورہ، ننکانہ، قصور اور لاہور میں گندم بوائی اہداف کا جائزہ لیا۔ گندم کی بوائی کے حوالے سے بریفنگ میں بتایا گیا ہے کہ گندم کی بوائی جاری ہے، پچھلے سال کے آج کی تاریخ تک کے تقابلی جائزہ کیمطابق بوائی تسلی بخش جاری ہے، لاہور میں گندم بوائی کا ہدف 1لاکھ 14ہزار ایکڑ ہے جبکہ 29فیصد ہدف مکمل ہوچکا ہے۔ کمشنر لاہور زید بن مقصود نے وزیراعلی پنجاب کے دھی رانی پروگرام کے تحت رجسٹریشن اور درخواستوں کے تصدیقی مراحل کا جائزہ لیا۔ انہوں نے کہا ہے کہ موصول درخواستوں کی تصدیق اور منظوری کے مراحل کو مکمل کرنے کو تیز کیا جائے، انہوں نے اضلاع سے شہری خدمات فراہمی کے کے پی آئیز کا بھی جائزہ لیا۔ اجلاس میں ایڈیشنل کمشنر حامد محمود ملہی، اے ڈی سی آر صہیب بٹ، اے ڈی سی جی لاہور محمد شجعین وسترو، اے ڈی سی فنانس حافظ مدثر نواز کی شرکت، ڈی سی شیخوپورہ شاہد عمران مارتھ، ڈی سی قصود کیپٹن ر محمد اورنگزیب، ڈی سی ننکانہ محمد تسلیم راو، ڈائریکٹر زراعت شیر محمد شیراوت سمیت دیگر افسران نے بزریعہ ویڈیو لنک اجلاس میں شرکت کی۔
