وزیراعلیٰ سندھ سید مراد علی شاہ کی زیر صدارت اجلاس،سول ہسپتال کراچی کی ترقی اور جدید خطوط پر استوار کرنے کیلئے 100 ارب روپے کے جامع ماسٹر پلان کی منظوری

وزیراعلیٰ سندھ سید مراد علی شاہ نے ایک اعلیٰ سطح کے اجلاس کی صدارت کرتے ہوئے سول اسپتال کراچی (سی ایچ کے) کی ترقی اور جدید خطوط پر استوار کرنے کے لیے 100 ارب روپے کے جامع ماسٹر پلان کی اصولی منظوری دے دی ہے جس میں حکومت سندھ کی جانب سے 50 ارب روپے کی گرانٹ بھی شامل ہے جبکہ عبد الستار ایدھی میڈیکل ٹاور پر فوری طور پر کام شروع کیا جائے گا۔یہ اہم منصوبہ، جس کے لیے صوبائی حکومت کی جانب سے 50 ارب روپے کا فنڈ مختص کیا گیا ہے، اسپتال کے رقبے کو دوگنا کرنے کے ساتھ ساتھ اس کی تاریخی اہمیت کو محفوظ رکھنے کا بھی ہدف رکھتا ہے۔وزیراعلیٰ ہاؤس میں منعقدہ اجلاس میں مختلف شعبہ ہائے زندگی سے تعلق رکھنے والے افراد نے شرکت کی، جو حکومت اور سول سوسائٹی کے درمیان مشترکہ تعاون کی عکاسی کرتا ہے۔ اجلاس میں وزیر صحت ڈاکٹر عذرا فضل پیچوہو، چیئرمین پلاننگ اینڈ ڈویلپمنٹ نجم شاہ، سیکریٹری خزانہ فیاض جتوئی، سیکریٹری صحت طاہر سانگی، وزیراعلیٰ کے سیکریٹری آصف جمیل، میڈیکل سپرنٹنڈنٹ سول اسپتال ڈاکٹر خالد بخاری اور ڈائریکٹر ڈاکٹر دبیر شریک ہوئے۔ اجلاس میں معروف مخیر حضرات فیصل ایدھی، مشتاق چھاپڑا، ڈاکٹر سعد خالد نیاز اور شاہد عبداللہ بھی موجود تھے۔وزیراعلیٰ نے اس موقع پر کہا کہ منصوبے کا مقصد سول اسپتال کراچی کو عالمی معیار کے طبی مرکز میں تبدیل کرنا ہے۔ اس توسیعی منصوبے کے تحت اسپتال میں موجودہ 2,142 بستروں کے علاوہ مزید 500 نئے بستر شامل کیے جائیں گے۔اسپتال کے مجموعی رقبے میں نمایاں اضافہ کیا جائے گا۔ خستہ حال عمارتوں اور کم استعمال ہونے والی کھلی جگہوں کی جگہ جدید عمودی ٹاورز تعمیر کیے جائیں گے۔ ان ٹاورز میں ایک مخصوص میڈیکل ٹاور اور سرجیکل وارڈ قائم کیا جائے گا۔ اس کے علاوہ نیا آؤٹ پیشنٹ ڈپارٹمنٹ (او پی ڈی)، برنس وارڈ اور جیل وارڈ بھی قائم کیے جائیں گے۔ جدید مردہ خانہ اور ویسٹ مینجمنٹ کے نظام، انتظامی بلاکس اور نرسوں و ڈاکٹروں کے لیے خصوصی ہاسٹلز بھی منصوبے کا حصہ ہوں گے۔وزیراعلیٰ مراد علی شاہ نے واضح کیا کہ اسپتال کو جدید خطوط پر استوار کرنے کے ساتھ اس کی تاریخی شناخت کو بھی محفوظ رکھا جائے گا۔ انہوں نے کہا کہ میں ورثہ عمارت کی مکمل بحالی کروں گا۔ انہوں نے یقین دہانی کرائی کہ نئی تعمیرات کے دوران تاریخی عمارتوں کا تحفظ یقینی بنایا جائے گا۔اسپتال کے اطراف میں ٹریفک کے دیرینہ مسائل کو حل کرنے کے لیے منصوبے میں سڑکوں کی توسیع بھی شامل ہے۔ اسپتال کے اطراف واقع یعقوب خان روڈ اور بیزنجی روڈ کو کشادہ کیا جائے گا تاکہ ایمبولینسوں کی آمد و رفت میں آسانی ہو اور مریضوں کی منتقلی میں سہولت فراہم کی جا سکے۔مراد علی شاہ نے کہا کہ سول اسپتال کی عمارت کو جدید بناتے ہوئے تاریخی ڈھانچے محفوظ رکھے جائیں گے اور عوام کی سہولت کے لیے اطراف کی سڑکوں کو بھی کشادہ کیا جائے گا۔ انہوں نے کہا کہ صوبائی حکومت کے تعاون سے شروع کیا جانے والا یہ منصوبہ اسپتال کے رقبے کو دوگنا کرنے کے ساتھ اس کی تاریخی اہمیت کو بھی برقرار رکھے گا۔وزیراعلیٰ نے کہا کہ منصوبے کا مقصد سول اسپتال کراچی کو عالمی معیار کے طبی مرکز میں تبدیل کرنا ہے۔ اس توسیعی منصوبے کے تحت اسپتال میں بستروں کی تعداد 2,142 سے بڑھا کر مزید 500 بستر شامل کیے جائیں گے۔ اسپتال کا مجموعی رقبہ 835,095 مربع میٹر سے بڑھا کر 1,709,259 مربع میٹر کر دیا جائے گا۔ خستہ حال عمارتوں اور کم استعمال ہونے والی کھلی جگہوں کی جگہ جدید عمودی ٹاورز تعمیر کیے جائیں گے۔ ان ٹاورز میں مخصوص میڈیکل ٹاور اور سرجیکل وارڈ قائم ہوں گے۔ اس کے علاوہ نیا آؤٹ پیشنٹ ڈپارٹمنٹ، برنس وارڈ اور جیل وارڈ، جدید مردہ خانہ اور ویسٹ مینجمنٹ سسٹم، انتظامی بلاکس اور نرسوں و ڈاکٹروں کے لیے خصوصی ہاسٹلز بھی تعمیر کیے جائیں گے۔اجلاس میں فیصلہ کیا گیا کہ منصوبے پر عمل درآمد کی نگرانی اور اسے تیز کرنے کے لیے سرکاری اور نجی شعبے کے پیشہ ور افراد پر مشتمل ایک بورڈ تشکیل دیا جائے گا۔