وزیر اعلیٰ گلگت بلتستان امجد حسین نے بلڈنگ کوڈز پر عملدرآمد کے حوالے سے منعقدہ اعلیٰ سطحی اجلاس کے موقع پر گفتگو کرتے ہوئے کہا کہ شہری علاقوں میں سب سے بڑا مسئلہ بے ہنگم تعمیرات کا ہے جس کی حوصلہ شکنی کرنے اور بلڈنگ کوڈز پر عملدرآمد کیلئے ترجیحی بنیادوں پر اقدامات کی ضرورت ہے۔ ماسٹر پلان کو صرف کاغذوں کی حد تک محدود نہیں رکھاجائے۔ شہری اور دیہی علاقوں میں کہیں پر بھی بلڈنگ کوڈز پر عملدرآمد ہوتا ہوا نظر نہیں آرہا ہے۔ لوکل گورنمنٹ کے تحت شہری علاقوں میں این او سی کے اجراء کے بعد تعمیرات کی مانیٹرنگ میں نقائص سامنے آرہے ہیں جس کو مدنظر رکھتے ہوئے شہری علاقوں کی حد تک بلڈنگ کوڈز پر عملدرآمد کا اختیار گلگت ڈویلپمنٹ اتھارٹی اور سکردو ڈویلپمنٹ اتھارٹی کو دیا جائے گا تاکہ بے ہنگم تعمیرات پر قابو پایا جاسکے۔ وزیر اعلیٰ نے گلگت ڈویلپمنٹ اتھارٹی اور سکردو ڈویلپمنٹ اتھارٹی کو ہدایت کی کہ شہروں میں گنجان آبادی کی وجہ سے عوام کو مشکلات کا سامنا ہے جس کو مدنظر رکھتے ہوئے رہائیشی سوسائٹیز پر کام کریں۔
شہری علاقوں میں سب سے بڑا مسئلہ بے ہنگم تعمیرات کا ہے،وزیر اعلٰی گلگت بلتستان امجد حسین
