کمشنر لاہور مریم خان نے ڈی سی لاہور کیپٹن ر علی اعجاز کے ہمراہ سہولت بازار وحدت کالونی کا دورہ کیا۔ انہوں نے آٹا، دالوں، گھی، گوشت، چینی کی سہولت بازار میں دستیابی و فراہمی کو خصوصی طور پر چیک کیا۔ کمشنر لاہور نے پھلوں و سبزیوں کی سہولت بازار میں دستیابی و فراہمی کو بھی چیک کیا اور اشیاء کے معیار کا جائزہ لیا۔ کمشنر لاہور نے سہولت بازار میں قائم مختلف فعال سہولت کاونٹرز کو بھی چیک کیا۔ انہوں نے شہریوں سے اشیاء کی دستیابی و قیمتوں کے حوالے سے بھی فیڈ بیک لیا۔ کمشنر لاہور نے سہولت بازار میں صفائی، پارکنگ، سکیورٹی و دیگر سہولیات کا جائزہ لیا۔کمشنرلاہور مریم خان نے کہا ہے کہ سہولت بازاروں میں پھل سبزیاں گوشت سمیت تمام اشیاء کا معیار بہترین ہے، سہولت بازاروں کے ساتھ اوپن مارکیٹ پر بھی سخت چیک رکھا جارہا ہے۔
