محکمہ بلدیات پنجاب نے تمام بلدیاتی اداروں کوگمنام اورغلط کالوں سے ہوشیار رہیں کا الرٹ جاری کردیا ہے۔بلدیاتی افسران اور ملازمین کو جعل سازوں کے حوالے سے چوکس رہنے کی ہدایات جاری کی گئی ہیں۔سیکرٹری لوکل گورنمنٹ بورڈ پنجاب رضوان نذیر کی طرف سے جاری مراسلہ کے مطابق مجاز اتھارٹی کے علم میں آیا ہے کہ مقامی حکومت کی فیلڈ فارمیشن کے کچھ افسران سیل نمبر 0326-6402889 یا کسی دوسرے سیل نمبر کے ذریعے گمنام/غلط کالز کر رہے ہیں جو کہ خود کو سیکرٹری کے دفتر کے اہلکار کے طور پر متعارف کراتے ہیں۔ LG اور CD ڈیپارٹمنٹ نے بتایا کہ اتھارٹی ان کی مقامی حکومت کا دورہ کر رہی ہے کا بتا کر Jazzcash یا Easypaisa کے ذریعے رقم کا مطالبہ کرتے ہیں۔ اس لیے آپ کو مطلع کیا جاتا ہے کہ اس طرح کی تمام قسم کی کالیں جعلی/گمنام ہیں، اس لیے آگاہ رہیں اور ایسی صورتوں میں کوئی جواب نہ دیا جائے اور ایسی جعلی کالز موصول ہونے کی صورت میں متعلقہ فورم کو رپورٹ کریں۔
