*گورنر پنجاب سردار سلیم حیدر خان سے میئر کراچی مرتضیٰ وہاب کی گورنر ہاؤس لاہور میں ملاقات۔*

ملاقات میں بین الصوبائی روابط کو فروغ دینے اور پیپلز پارٹی سندھ اور پنجاب کی کارکردگی پر تفصیلی تبادلہ خیال کیا گیا۔میئر کراچی مرتضیٰ وہاب نے گورنر پنجاب کی پیپلز پارٹی کو پنجاب میں متحرک کرنے اور پنجاب کے عوام کی بہتری کے لیے کیے گئے اقدامات کی تعریف کی۔ملاقات میں ڈپٹی سیکرٹری اطلاعات پی پی پی سنٹرل پنجاب احسن رضوی, سردار علی اور دیگر بھی موجود تھے۔پیپلز پارٹی کسی صوبے کی نہیں بلکہ پورے پاکستان کی عوامی نمائندہ جماعت ہے۔ گورنرپنجاب نے کہا کہ پاکستان پیپلز پارٹی نے کراچی سمیت سندھ میں عوامی فلاح بہبود کے منصوبوں کے جال بچھا دیئے ہیں۔مئیر کراچی مرتضیٰ وہاب چیئرمین بلاول بھٹو زرداری کے ویژن کے مطابق کراچی کی بہتری کے لیے کام کر رہے ہیں۔مئیر کراچی مرتضیٰ وہاب کی پنجاب کے وزیرہاؤسنگ کیساتھ مشترکہ میٹنگ عوامی فلاح کی منصوبوں کے لیے خوش آئند ہے۔ عوام کے مسائل کے حل کے لیے پیپلز پارٹی اور مسلم لیک ( ن) کی صوبائی حکومتیں نیک نیتی سے کام کر رہی ہیں۔چیئرمین پی پی پی بلاول بھٹو زرداری پاکستان کی عوامی نمائندہ جماعت کے نوجوان لیڈر ہیں۔سردار سلیم حیدر خان نے کہا کہ صدر مملکت آصف علی زرداری کا حالیہ دورہ چین کافی اہمیت کا حامل ہے۔وزیراعظم اور فیلڈمارشل کی کاوشوں سے اللہ نے پوری دنیا میں پاکستان کو عزت بخشی۔