پاکستان مسلم لیگ (ن) کے صدر محمد نوازشریف نے بجلی کے نرخ میں ریکارڈ کمی پر وزیر اعظم محمد شہباز شریف کو مبارکباددی اور گھریلو اور صنعتی صارفین کے لئے بجلی کے نرخ کم کرنے پروزیراعظم کی ٹیم کو بھی سراہا ہے۔ پاکستان مسلم لیگ (ن) کے صدر محمد نوازشریف نے کہا کہ وزیراعظم محمد شہباز شریف کی کاوشوں سے ملک درست سمت پر گامزن ہوچکا ہے۔بجلی سستی کرنے سے نہ صرف عوام کو ریلیف ملے گا بلکہ ایکسپورٹ بھی بڑھے گی۔پاکستان مسلم لیگ (ن)کے دور میں ہی ہمیشہ عوام کومعاشی ریلیف ملتا ہے۔ محمد نوازشریف نے کہا کہ مہنگائی میں مسلسل کمی پاکستان مسلم لیگ (ن)کی ہی بہترین معاشی پالیسیوں کا منہ بولتا ثبوت ہے۔ملک میں ترقی کی راہیں کھل رہی ہیں،نوجوانوں کو روزگار ملے گا۔
بجلی کے نرخ میں ریکارڈ کمی،پاکستان مسلم لیگ (ن) کے صدر محمد نوازشریف کی وزیر اعظم محمد شہباز شریف کو مبارکباد
