داتا گنج بخش زون نے چوبرجی چوک ایل ڈی اے کنٹرولڈ ایریا میں پلازہ کا نقشہ پاس کر دیا۔ایل ڈی اے شعبہ ٹاؤن پلاننگ نے کئی سال سے اس زیر تعمیر کمرشل عمارت کا کام بند کروا رکھا تھا ۔داتا گنج بخش زون شعبہ پلاننگ کی جانب سے نقشہ کی منظوری کی آڑ میں کام تیزی سے شروع کروا دیا گیا۔جس کی اطلاع اسسٹنٹ ڈائریکٹر ٹاؤن پلاننگ زون ون میاں انوار الحق کاکڑ کو پہنچی تو وہ موقع پر پہنچ گئے جہاں انکشاف ہوا ہے۔100 چوبرجی پارک میں آنے والے اس بڑے پلاٹ کا نقشہ ایم سی ایل کے داتا گنج بخش زون نے منظور کر کے تعمیر کا لیٹر بھی جاری کر دیا۔یہ نقشہ ایک سابق خاتون ٹاؤن پلانر نے پاس کیا۔جس نے بعد پہلے بیسمنٹ کی اجازت دی گئی۔واضع رہے کہ چوبرجی پارک ایل ڈی اے کا کنٹرولڈ ایریا ہے۔اسسٹنٹ ڈائریکٹر نے مالکان سے کاغذات لے کر کام بند کروا دیا اور ایل ڈی اے پیش ہونے کی تاکید کی۔چوبرجی چوک پلازہ کیس کے بارے میں متعلقہ چیف ٹاؤن پلانر اور ڈائریکٹر ٹاؤن پلاننگ کو تفصیلی آگاہ کر دیا گیا ہے۔ڈائریکٹر ٹاؤن پلاننگ ون شفقت کنگ کے مطابق تعمیراتی کام بند کروا دیا ہے۔کاغذات کی جانچ پڑتال اور کیس کا جائزہ لے کر اگلی کارروائی کی جائے گی۔ذرائع کے مطابق ایل ڈی اے کے کنٹرولڈ ایریاز میں ایم سی ایل اور اس کے زونز کی جانب سے نقشہ جات منظور کر کے تعمیرات کروانے کی شکایات اور متعدد کیسز سامنے آئے ہیں اعلٰی حکام کی اجازت کے بعد ملوث افسران و اہلکاروں کے خلاف مقدمات درج کروائے جائیں گے۔ایل ڈی اے کے کنٹرولڈ ایریا میں کسی اور ادارے کا غیر قانونی نقشہ پاس کروانے والوں کے خلاف بھی کارروائی ہو گی۔عمارتوں کو مسمار کر دیا جائے گا پھر نئے سرے سے ایل ڈی اے میں نقشہ منظوری کی درخواست دینا ہو گی۔داتا گنج بخش زون کے شعبہ ٹاؤن پلاننگ نے دعوٰی کیا ہے کہ پلاٹ چوبرجی پارک میں نہیں آتا یہ ہمارا ایریا ہے۔
داتا گنج بخش زون نے چوک چوبرجی میں ایل ڈی اے کے کنٹرولڈ ایریا میں پلازہ کانقشہ پاس کردیا،ایل ڈی اے نے کام بند کروا دیا،انکوائری شروع
