ڈی جی ایل ڈی اے طاہر فاروق نے لاہور ٹیکنالوجی پارک، فیروز پور روڈ کی سائٹ کا دورہ کیا۔ ڈی جی ایل ڈی اے طاہر فاروق نے لاہور ٹیکنالوجی پارک کے مجوزہ ڈیزائن اور ڈویلپمنٹ پلان کا جائزہ لیا۔چیف انجینئر ایل ڈی اے اسرار سعید، چیف ٹاؤن پلانر ون، ڈائریکٹر آکشن نے بریفنگ دی۔ایل ڈی اے فیروزپور روڈ کی پرائم لوکیشن سرمایہ کاری کے لیے مارکیٹ میں لا رہا ہے۔ ایل ڈی اے سرمایہ کاری کے لیے 116 کنال پر مشتمل لاہور ٹیکنالوجی پارک کے پلاٹس جلد مارکیٹ میں لائے گا۔ لاہور ٹیکنالوجی پارک میں ایک کنال،15 مرلے اور 8 مرلے کے کمرشل پلاٹس رکھے جائیں گے۔ لاہور ٹیکنالوجی پارک میں آئی ٹی سے منسلک کاروباری مراکز بنیں گے۔ ڈی جی ایل ڈی اے نے پراجیکٹ ڈائریکٹر انجینئرنگ کو ڈویلپمنٹ کے کام فوری شروع کرنے کی ہدایت کی۔ڈی جی ایل ڈی اے نے سڑکوں کے انفراسٹرکچر اور پارکنگ کی مجوزہ سہولیات کے پلان کا جائزہ لیا۔ڈی جی ایل ڈی اے نے لاہور ٹیکنالوجی پارک کے مارکیٹنگ پلان بارے بھی بریفنگ لی۔
ڈی جی ایل ڈی اے طاہر فاروق کا لاہور ٹیکنالوجی پارک کا دورہ،مجوزہ ڈیزائن اور ڈویلپمنٹ پلان کا جائزہ
