چیئرمین نادرا لیفٹیننٹ جنرل محمد منیر افسر نے سی ڈی اے ہیڈ کوارٹرز کا دورہ کیا۔چیئرمین سی ڈی اے محمد علی رندھاوا نے چیئرمین نادرا کو خوش آمدید کہا۔
ملاقات میں باہمی تعاون اور ہم آہنگی کو مزید بہتر کرنے پر اتفاق ہوا۔مختلف شعبہ جات میں باہمی تعاون کو فروغ دینے کے حوالے سے تبادلہ خیال کیا گیا۔دونوں اداروں کا باہمی طور پر ٹیکنالوجی بیسڈ عوامی فلاحی سہولیات کی فراہمی پر بھی اتفاق ہوا۔چیئرمین نادرا نے کہا کہ اسلام آباد سپر ایپ اور نادرا کی طرف سے مستقبل میں متعارف کروائی جانے والی سہولیات کو ہم آہنگ کیا جائے۔چیئرمین نادرا نے سی ڈی اے کے اسلام آباد کے شہریوں کی بہتر خدمات کی فراہمی کیلئے کئے گئے اقدامات کو سراہا۔ملاقات میں چیئرمین نادرا نے آپریشنز سمیت نادرا کی مختلف خدمات کی فراہمی کے حوالے سے آگاہ کیا۔نادرا کے تعاون سے اسلام آباد کے شہریوں کیلئے سہولیات اور خدمات کی فراہمی کا دائرہ کار وسیع کرنا چاہتے ہیں۔ چیئرمین سی ڈی اے محمد علی رندھاوا نے برتھ اور ڈیٹتھ سرٹیفکیٹس سمیت دیگر خدمات کو اسلام آباد میں توسیع دینے کے حوالے سے سی ڈی اے کے مکمل تعاون کی یقین دہانی کروائی۔انہوں نے بیسک ہیلتھ یونٹس میں نادرا کی خدمات کی فراہمی کے حوالے سے مختلف ڈیسکس قائم کرنے کی پیشکش بھی کی۔مستقبل میں نادرا اسلام آباد میں قائم ہونے والے بزنس فیسلٹیشن سینٹر میں بھی اپنا ڈیسک قائم کرے، چیئرمین سی ڈی اے نے کہاکہ ان اقدامات کا مقصد عوام الناس کو قریب ترین اور ایک چھت تلے تمام سہولیات فراہم کرنا ہے۔سی ڈی اے اور نادرا ملکر اسلام آباد کے رہائشیوں کو انکی دہلیز تک خدمات کی فراہمی کو یقینی بنائیں گے۔ نادرا کی تکنیکی صلاحیتوں، قابلیتوں اور تجربات سے استفادہ حاصل کیا جائے گا۔
