اسلام آباد کے ڈپٹی کمشنر، عرفان نواز میمن نے واضح کیا ہے کہ وفاقی دارالحکومت میں کسی بھی قسم کی تعمیرات بغیر اجازت کے غیر قانونی ہیں۔ انہوں نے زور دیا کہ تعمیر شروع کرنے سے پہلے سی ڈی اے سے اجازت نامہ حاصل کرنا لازمی ہے۔ڈی سی اسلام آباد نے مزید بتایا کہ مجاز مجسٹریٹس بغیر اجازت تعمیرات کرنے والوں کے خلاف کارروائی کریں گے۔ یہ کارروائی نہ صرف جائیداد کے مالک کے خلاف ہوگی بلکہ اس کام میں شامل مزدوروں کے خلاف بھی کی جائے گی۔اس کے علاوہ، ان سپلائرز کے خلاف بھی قانونی چارہ جوئی کی جائے گی جو اجازت نامہ دیکھے بغیر تعمیراتی سامان فروخت کرتے ہیں۔ شہریوں سے گزارش کی گئی ہے کہ وہ بغیر اجازت نامے کے کسی بھی تعمیراتی سرگرمی کا حصہ نہ بنیں۔
